Markə 14:72 - Yálá laawoo hɛɓɛ (dc)

⁷² Ɲąąɓa, tɛ́ɛ́ ə nwoo pili a veelɛnąą a yələ ɓɔi lɔwai. Piɛrə ə giliŋąhiɛ, Jesus woo nąą kili ə too ŋą, yaa tii ə kɛ mąą: «Gɛɛ tɛɛ hvo nwoo pili gee mɛ̨i hveelɛ, ə́ kaa pai lənəi mą́ą́ gee mɛ̨i haaɓa.» Nąąlɔwai, Piɛrə ə wɔlɔ kpɔ a nąą mąąwɛliɛɛ.

Yálá laawoo hɛɓɛ

⁷² Ɲąąɓa, tɛ́ɛ́ ə nwoo pili a veelɛnąą a yələ ɓɔi lɔwai. Piɛrə ə giliŋąhiɛ, Jesus woo nąą kili ə too ŋą, yaa tii ə kɛ mąą: «Gɛɛ tɛɛ hvo nwoo pili gee mɛ̨i hveelɛ, ə́ kaa pai lənəi mą́ą́ gee mɛ̨i haaɓa.» Nąąlɔwai, Piɛrə ə wɔlɔ kpɔ a nąą mąąwɛliɛɛ.

Bible

⁷² È ŋ̀óo lá kùla nɔ́, dɛ́ɛ-sîrɛi é ŋ̀óo píli a veerɛ ɣelei. M̀ɛnii Zîsɛ è m̀o m̀ai, è tòo Pitɛ kíli ŋá, “Ya pâi ḿaa sîa too lâ kɛ̂i saaƃa a gɛ́ɛ ífe ŋ́gɔlɔŋ dɛ́ɛ-sîrɛi é lɛ́ɛ pâi ŋ̀óo píli la kɛ̂i feerɛ.” Ǹíi è kàra kpɔ́ goi a ŋ̀ánaa é wɔ́lɔ.

Markə 14:72 ပူးပေါင်းရင်းမြစ်များ

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Maafîu 26:34

Jesus yɛ Piɛrə ɓa: «Gáá moi yɛ́ a tɛ̨ą, gɛɛ tɛɛ hvo nwoo pili háákələi kpinįi ŋɛ̨i hu, ə́ kaa pai lənəi mą́ą́ geemɛ̨i haaɓa.»

Markə 14:30

Jesus ə mo mą, yɛ mą: «Gáá tɛ̨ą ɓoi, háákələi gbinįi ŋɛ̨i hu, gɛɛ tɛ́ɛ́ hvo nwoo pili gee mɛ̨i hveelɛ, ə́ kaa pai lənəi mą́ą́ gee mɛ̨i haaɓa.»

Markə 14:68

Piɛrə ə lənə kpɔ mą, yɛ mą: «Mɛ̨nįi ə́ kaa moi, və́ gɔlɔn, ə lɛɛ, və́ mun ə́ woo ŋąą kaai.» Yili pulu, Piɛrə ə li gala laaləi pələ.

Markə 14:71

Piɛrə ə gwɛla kpɔ, ə́ mo diɛ a nwąnąi, yɛ diɛ: «A tɛ̨ą leelee Yálá ɲɛ̨i ɓa, nui ŋɛ̨i ka káá vaa ɓoi, və́ kpɛli gɔlɔn.»

Lukə 22:60

Piɛrə yɛ mą: «Hulɔnu! Və́ ə́ woo kpaɠala kaai.» Nąąlɔwai pɔlɔɔ, tɛɛ tɔlɔɔ ə hvaa.

Lukə 22:62

Piɛrə ə kulɔ, ə wɔlɔ kpɔ a lii kələn gwəi.

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.