Markə 13:19 - Yálá laawoo hɛɓɛ (dc)

¹⁹ Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Yálá laawoo hɛɓɛ

¹⁹ Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Bible

¹⁹ kpɛ́ni fêi, maa ɣele-ŋai tí, mɛni kpɔ̂lu a pâi pâi, nyíi dɛɛ̂i m̀arâai kélee ma é síɣe tãi ma Ɣâla è ŋ̀éniɛi kɔ́ɔ pìlaŋ la é seri sâa ma da fé pâi ŋɔ́nɔ wɔ́lɔ kɛ̂i.

Markə 13:19 ပူးပေါင်းရင်းမြစ်များ

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

Markə 10:6

Kɛlaa, yɛnɛ̨ɛ̨ pɛlii lɔwai, Yálá ə hulɔnu da nɛ̨ɛ̨nu di pɛli.

Markə 13:18

Ka Yálá hvɛli, ə gə, hvo pa kɛ a tulɔya lɔwai.

Markə 13:20

Akɛ Ną́mu Yálá hvo kɛ volóɠaai tii hu kpuwɔ li, nui lɔpee ta nwun mąą hvo li ɓo. Kɛlaa, Ną́mu Yálá ə volóɠaa tii hukpuwɔ nuą yiiɠaai ə di həɠə ɉu di mąą mɛ̨nį ɓa.

Dutɛrɔnome 28:59

Akɛ ka wala ɲɔw ma, Yai-Laa kaa pai kwəi pili mąą ɲɔ̨nŋąą, diɛi di kpɛɛ la walaa di pɛlɛi kaa ka ka huwu kəlee.

Dutɛrɔnome 4:32

Ka ka kiliŋąhiɛ tɔwɔ-tɔwɔ hvólóɠaa tii hu, mɛ̨nįɠaa kɛ, kaa yiiɠaa ŋɛ̨i ka hvo ni kɛ laa, ə həɠə kpɔ ɓɛlɔwai Yálá ə nu kanŋaa kulɔ la lɔi mɛ̨i! Ka yɛnɛ̨ɛ̨ kəlee mąąnikɛ! Mɛ̨nį ɲɛ̨i kɛnɛ̨ɛ̨ ta aa ta mɔ̨ɔ̨ kɛ yɛ yii ŋɛ̨i? Daa ta mɛ̨nį taaləi ŋɛ̨i bələ mɛ̨n?

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.