Markə 13:14 - Yálá laawoo hɛɓɛ (dc)

¹⁴ Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Yálá laawoo hɛɓɛ

¹⁴ Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Bible

¹⁴ “Kɛ́lɛ, tãi ka m̀ili sii-kpalo mɛnii káa la gɛ́ ƃò ƃɛ́i vêi kpɛtɛ naai (ǹúui a ǹónôi, é táre zu), gɛ̀ ní, diai díkaa Zuda, tɔɔ dí pu dí li ǹyée-ŋai su.

Markə 13:14 ပူးပေါင်းရင်းမြစ်များ

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Izikiɛ 44:9

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Nwɛ̨ąi lɔpee a kɛ́nɛ̨ kpolɔwa, gili mąą kuu hvo kɛ li, da kɛ́nɛ̨ kpolɔwa gɔlɔ pɔ pələ, hva lɔ nwɔ́ kɛɛnąą mąąhəɠɛɛi ɓa; nwɛ̨ąąi tii Israɛlə lonnii lɔwai, di ta lɔpee hva lɔ laa.»

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Maafîu 13:51

Jesus ə mo nwɔ kalan nɛai diɛ yɛ diɛ: «Kaa mɛ̨nįɠaa tii kəlee ŋąą ka?» Di nwoo ŋąąpənə diɛ mą: «Kwaa ŋąą kaa!»

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

M̀ɛni-lɛɛi 1:3

Nwun na nɛ̨ɛ̨mun maa, nui a ɉɛɓɛ́i ŋɛ̨i ɓo, ɛlɛɛ da nuąi da di wəli tɔɔ ɉu woo ɓa, ɛlɛɛ, mɛ̨nįɠaai bɛ̨ɛ̨ ɉu, diɛ di yee kąnąn mą, gbala ə tɔɔ, guu mąą aa kpuɔ.

M̀ɛni-lɛɛi 13:18

Mɛ̨nį hukpɛ kili nwɛi nąą ka kɛa; nui nwun gaa ɉu, ya ɓə a pɛli ə ɉuwɔi tii laa hɛɓɛ́ kɔw ɉeekpəlina kɛi, mąąhɔlɔɓo, ɉeekpəlina kɛɛ, a kɛ a nu kan naa; ɛlɛɛ, gwɛdɛn gɔwi tii ɓaa nwun-mɛ̨ida-ɲee-mɛ̨ida-kɔw-mɛ̨ida.