Markə 12:6 - Yálá laawoo hɛɓɛ (dc)

⁶ Nu tɔ̨nɔ̨ gbən lɔ ɓə kɛa lɛɛ ɉulɔnui tii yəi; ya ɓaa a non ɉulɔnu tɔ̨nɔ̨ gbən yii nwɛli ə kɛ mą. Yili ɓə kɛa ə dɛɛ a gbəli. Ə kɛi giliŋąhiɛ yɛ kɛ diɛ: ‹Gbɛli hu, di kaa lii ɲɔ̨wi mą, di mąąwiɛ, mąąhɔlɔɓo, nón ni.›

Yálá laawoo hɛɓɛ

⁶ Nu tɔ̨nɔ̨ gbən lɔ ɓə kɛa lɛɛ ɉulɔnui tii yəi; ya ɓaa a non ɉulɔnu tɔ̨nɔ̨ gbən yii nwɛli ə kɛ mą. Yili ɓə kɛa ə dɛɛ a gbəli. Ə kɛi giliŋąhiɛ yɛ kɛ diɛ: ‹Gbɛli hu, di kaa lii ɲɔ̨wi mą, di mąąwiɛ, mąąhɔlɔɓo, nón ni.›

Bible

⁶ Ǹúu tɔnɔ kpéŋ nɔ́ lɛ̀ɛ ƃé kɛ̀ a ǹalôŋ ŋɔwɛli kɛ́-maa loŋ. Nya ƃe è dɛ̀ɛ a gbɛɛ ŋái, ǹyɛɛi, ‘Ńâai kpɔ́ la da pâi ŋumɛ mâa tɛɛ̂i bɔ́.’

Markə 12:6 ပူးပေါင်းရင်းမြစ်များ

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Zɛnɛse 37:3

Ɉosɛfə wɛli ə kɛ Israɛlə ɓa, ə tɛɛ niɛni kəlee diɛ, mąąhɔlɔɓo, ə ɉɔlɔɓo bɔlɔɔ kɔ́lɔi. Ɉakɔbə ə gbaawii lɛlɛɛ tɛɛ Ɉosɛfə pɔ.

Zɛnɛse 44:20

Ku kɛ yɛ́: ‹Ku nąn ɉulɔgolo kaa laa, da ku ləɠə logolo ta, yii ku nąn ə ɉɔlɔɓo bɔlɔɔ kɔ́lɔ hu; nokoloi tii nwɛli kaa ku nąn ma kpɔ kɛnɛ̨, mąąhɔlɔɓo, nee lon gbəlii lɔ lɛɛ ya li. Yili nwɔɔ liɛ ə wɔlɔ háá.›

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Markə 1:11

Woo ta ə kulɔ yələi yɛ kɛ mą: «Ə kaa ɓo a nííɓa Lon, yaa níí hon gbɔ a mɔlɔɔ.»

Markə 12:5

Ɉulɔnu tii ə pənə nwɔ̨nɔ̨ ə dakpɛli tɛɛ. Yili nwɛi, di baa. Pələ lɔ ɓə di gɛ la a ɉulɔnui tii nwɔ tínuą tamąą; di daɠaa kɛlɛ, di daɠaa paa.

Markə 12:7

Kɛlaa, yii lɔ góló kɛ nuąi tii di gaa yɛ pa, di mo di kee lɔwai, diɛ kɛ mą: ‹Nui pai ɉulɔnui ŋɛ̨i kwɛlin ɉəɠəi, ya ka. Ka gu baa, ya ɓə a gɛ, ɉihɛn ɲɛa ə lɛɛ ka gu yəi.›

Markə 9:7

Tulɔ kpinįn gɛnɛ̨ ə yɛɛ di mɛ̨i, ə di mɛ̨i kpulu a nįnįn. Woo ta ə kulɔ dulɔ kpinįn tii hu, yɛ kɛ diɛ: «Nííɓa Lon maa a nui ŋɛ̨i, 'ka ka wəli tɔɔ nwoo ɓa.»

Lukə 3:22

Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Lukə 9:35

Woo ta ə kulɔ dulɔ kpinį tii hu, yɛ kɛ mą: «Nui ŋɛ̨i kaa a Nííɓa Lon ɉulɔnu, yii ŋą́ą́ ɉəɠə ɉu. Ka ka wəli tɔɔ nwoo ɓa!»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Zɔ̂ŋ Maa-ŋuŋ 4:9

Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Zɔ̂ŋ Zaaƃai 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Gaiusə ɓa, yai nwɛli kaa mą́ą́ tɛ̨ą ŋą kɛɛ pono hu.