Markə 11:23 - Yálá laawoo hɛɓɛ (dc)

²³ A tɛ̨ą kpɔ-kpɔ gáá moi kaa, akɛ ka ta a kɛ ɲee ɲɛ̨i ɓa: ‹Həɠə ɓɛ ə pili gboloyá hu›, a wala ɲinɛn-ɲinɛn, kɛlaa, naa na yɛ diɛ, mɛ̨nį tii gaa moi gaa pai kɛi tii; a kɛ kpɔlɔɔ tii ɲəi.

Yálá laawoo hɛɓɛ

²³ A tɛ̨ą kpɔ-kpɔ gáá moi kaa, akɛ ka ta a kɛ ɲee ɲɛ̨i ɓa: ‹Həɠə ɓɛ ə pili gboloyá hu›, a wala ɲinɛn-ɲinɛn, kɛlaa, naa na yɛ diɛ, mɛ̨nį tii gaa moi gaa pai kɛi tii; a kɛ kpɔlɔɔ tii ɲəi.

Bible

²³ Tɔ̃yâ ma, ŋá m̀ó kâa, à kɛ̀ núu da à mò ǹyéei ŋí ma, ‘Ímu síɣe í píli ǹyái su,’ à wàla sîa too ǹíi su, kɛ́lɛ, à làa la a gɛ́ɛ m̀ɛnii a m̀ôi a pâi kɛ̂i, gɛ̀ ní, a pâi kɛ̂i m̀ɛni ma.

Markə 11:23 ပူးပေါင်းရင်းမြစ်များ

Mąątɛ̨nɛ̨ 37:4

Yai-Laa ə kɛ a ə́ wɔ kwəinɛ̨ɛ̨, mɛ̨nįi ə́ líí a vɛli, gaa pai dɛɛi ə́ pɔ.

Maafîu 14:13

Yii kɛa Jesus ə Ɉaan-Batistə haa mɛ̨nį bələ mɛ̨n, ə muhəɠə da nwɔ kalan nɛai di hee gələn ɉu di bówa teen, diɛ li di tɔ̨nɔ̨ kɛɛ nąą. Kɛlaa, yii kɛa nuą di gbaɠala kaa tii, di laa a ɲa koo, da diɛni di kwiɛn ɲa pulu pələ. Nuą tii di həɠə taa tamąą hu diɛ pa.

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Maafîu 21:21

Jesus ə di woo ŋąąpənə yɛ diɛ: «Gáá moi kaa a tɛ̨ą: akɛ laa na laa a kɛ ka yəi da ɲį́nɛ̨n-ɲį́nɛ̨n a wala kɛ ka hui, mɛ̨nį ŋɛ̨i ɲą́ą́ gɛ a mɔɔlaa wului ŋɛ̨i ka pɛli ɲɔ̨nwɔ mąn gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛ.

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.