Markə 11:22 - Yálá laawoo hɛɓɛ (dc)

²² Jesus ə mo nwɔ kalan nɛai diɛ, yɛ diɛ: «Gáá moi kaa, ka laa Yálá la.

Yálá laawoo hɛɓɛ

²² Jesus ə mo nwɔ kalan nɛai diɛ, yɛ diɛ: «Gáá moi kaa, ka laa Yálá la.

Bible

²² Zîsɛ è m̀o dîa ǹyɛɛi, “Ka láa a Ɣâla.

Markə 11:22 ပူးပေါင်းရင်းမြစ်များ

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Maafîu 14:29

Jesus yɛ mą: «'Pa!» Piɛrə ə kulɔ gələn ɉu, yɛ li Jesus pɔ ɲa ŋą.

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Maafîu 21:21

Jesus ə di woo ŋąąpənə yɛ diɛ: «Gáá moi kaa a tɛ̨ą: akɛ laa na laa a kɛ ka yəi da ɲį́nɛ̨n-ɲį́nɛ̨n a wala kɛ ka hui, mɛ̨nį ŋɛ̨i ɲą́ą́ gɛ a mɔɔlaa wului ŋɛ̨i ka pɛli ɲɔ̨nwɔ mąn gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛ.

Markə 9:23

Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Kolosə 2:12

Gu lowii di mo gwa diɛni, a mąąwaa ɓo, gwa diɛni gwaa nwɔ̨nɔ̨ nwun, gbala ə tɔɔ, ká laa Yálá ŋą huwalawalalaa la, yai nwun haa nuą lɔwai.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,