Markə 10:52 - Yálá laawoo hɛɓɛ (dc)

⁵² Jesus yɛ mą: «'Li, ə́ wɔ laa na laa aa ə́ kɔ́lɔi pono.» Ɲąąɓa, ɲɛ̨i aa mą holóon yɛ kɛɛ kaa. Yili pulu aa mą hvilɛn Jesus pulu.

Yálá laawoo hɛɓɛ

⁵² Jesus yɛ mą: «'Li, ə́ wɔ laa na laa aa ə́ kɔ́lɔi pono.» Ɲąąɓa, ɲɛ̨i aa mą holóon yɛ kɛɛ kaa. Yili pulu aa mą hvilɛn Jesus pulu.

Bible

⁵² Zîsɛ è m̀o ma, “Ye lí nâa yɛ̂, ílaa-lai a íƃalo.” È m̀o tí, ǹalôŋ é kwaa káa, é pîlaŋ bôlu berei ma.

Markə 10:52 ပူးပေါင်းရင်းမြစ်များ

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 12:22

Nąąlɔwai, di pa a nu ta Jesus pɔ ɲį́nɛ̨n yɛ ɓo bulu, ɲɛ̨i puɔ, yɛ ɓo a muugbɛ. Ə nui tii kɔ́lɔi pono, yɛ kɛɛ kaa, yɛ hvaa.

Maafîu 15:28

Jesus yɛ mą: «Nɛ̨ɛ̨nu, ə́ wɔ kilitɔɔ mąą kɛnɛ̨i pələi tii ə́ wɔ laa na laa kaa la. Yii ə́ kaa ə́ kiliŋąhiɛi ma, ə kɛ kpɔlɔɔ tii yɛ́.» Nɛ̨ɛ̨non tii kɔ́lɔi ə pono, ɲį́nɛ̨n tii ə həɠə bulu kpɔlɔɔ nąąlɔwai.

Maafîu 21:14

Ɲɛi pu nuą da kɔ́wɔ nwąną nuą di lɛɠɛ Jesus ɓa Yálá hee pɛlɛ́ mu ə di kɔ́lɔi pono.

Maafîu 8:3

Jesus ə ɲee pɛlɛ mą; yɛ mą: «Ŋą́ą́ hvaa mą! Ə́ kɔ́lɔi ə pono, ə́ mąą ə həɠə.» Ɲąąɓa, ɉulɔnui tii, nwɔ hvólóɲɔ̨n ə kpɛɛ, mąą ə həɠə.

Maafîu 9:22

Kɛlaa, Jesus ə tinɛ̨n ə gaa. Yɛ mą: «Nón nɛ̨ɛ̨nu, ə́ wɔ laa na laa a ə́ ɓalo.» Nɛ̨ɛ̨nu tii kɔ́lɔi ə pono kpɔlɔ tii ŋąąɓa.

Markə 1:31

Ə lɛɠɛ nɛ̨ɛ̨nu tii ɓa ə ɉon a ɲee; ə muhəɠə. Gɔlɔ kələn mąą tii ə kpɛɛ. Nɛ̨ɛ̨nu tii ə muhəɠə, ə di kɔ̨nɔ̨n gɛ.

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Markə 8:25

Jesus ə pənə ə ɲee pɛlɛ ɲɛ̨ipumun tii ɲɛ̨i; yili pulu, ə ɲɛ̨ikɔw mąątaɠa, gɔlɔi ə pono, yɛ kɛa kɛɛ mąąkpɛɛ a nɛlɛɛ.

Lukə 7:50

Kɛlaa, Jesus ə mo nɛ̨ɛ̨nui tii ɓa, yɛ mą: «Ə́ wɔ laa na laa aa ə nwun mąąɓo, li liilaa hu.»

Lukə 9:48

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»

Ɉaan 9:32

Gu hvo ta mɛ̨n ni li diɛ kɛ, di nu ta kaa ɲɛ̨ipuɔ, nu ta aa ɲɛ̨i hvolon.

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»