Markə 10:38 - Yálá laawoo hɛɓɛ (dc)

³⁸ Jesus ə mo diɛ, yɛ diɛ: «Yii mąąnɛ̨ɛ̨ ka vɛli, ka hvo gɔlɔn. Ka pɛli ka kpələi a gbələ kɔ́wɔi gáá pai gbə́ləi la? A wala kɛ tii nąąnɔ̨nwɔ̨ mąąwaa yii pai həli mą́ą́, ka pɛli ka yee heei mu?»

Yálá laawoo hɛɓɛ

³⁸ Jesus ə mo diɛ, yɛ diɛ: «Yii mąąnɛ̨ɛ̨ ka vɛli, ka hvo gɔlɔn. Ka pɛli ka kpələi a gbələ kɔ́wɔi gáá pai gbə́ləi la? A wala kɛ tii nąąnɔ̨nwɔ̨ mąąwaa yii pai həli mą́ą́, ka pɛli ka yee heei mu?»

Bible

³⁸ Kɛ́lɛ, Zîsɛ è m̀o dîa, “Káfe m̀ɛnii kɔ́lɔŋ ka vɛlîi. Ka pɔ̂ri kákpelêi a gbele-kɔɛi ŋa ŋ́gbele lai? Ka pɔ̂ri káyee seêi batâi sii mu da ŋábatâi kɛ̀ lai?”

Markə 10:38 ပူးပေါင်းရင်းမြစ်များ

Tɔɔɓɛlaa dɔlɔɔ 2:22

Tɔɔmun Salomɔn yɛ nee ɓa: «Lə mɛ̨nį ɓa, ə́ kaa Sunɛmə nɛ̨ɛ̨nui a Avisagə hu hvɛlii, yɛ́ dɛɛ Adoniasə pɔ? Yɛ́mun, kpəla yili ɓa, ə́ dɔɔlaa hvɛli, ə́ dɛɛ bɔ; mąąhɔlɔɓo, níɛ nu pɔlɔ li, da ɉaláá laa həli mun Abiatarə, ə mą kɛ Ɉoabə Seruya lon.»

Mąątɛ̨nɛ̨ 75:8

Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Markə 14:36

Ə kɛi kɛ mą: «Éé Ną́n Yálá! Ə́ wɛi ə́ yee a pɛli mɛ̨nį kəlee ɓa, mɔ̨nɔ̨ kɛnɛ̨i ŋɛ̨i mąą kwɛa mą́ą́; kɛlaa, mɛ̨nį kəlee ə mą kɛ, və́ kɛ li ə́ nííɓa kɛ. Kɛlaa, ə́ liiɓa ɓə mąąnɛ̨ɛ̨ ə́ kɛ́.»

Lukə 12:50

Mą́ą́ waa mɛ̨nį niihɛlɛn gaa mą́ą́, hvo kɛli naa ə kulɔ.

Lukə 22:42

Yɛ kɛ mą: «Nąn! Yá hvaa mą, mɔ̨nɔ̨ taaləi ŋɛ̨i ə hvóló mą́ą́; kɛlaa, hvo kɛ a nííɓa, ə lɛɛ Ə́ nwɛi ɓa!»

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Zĩi 4:3

Ká vɛli, ká hva ɉɔlɔɓo, mąąhɔlɔɓo, ka vɛli lɔ ká liiɓa mɛ̨nį ɲɛ̨i kulɔ mɛ̨nį ɓa.