Markə 10:30 - Yálá laawoo hɛɓɛ (dc)

³⁰ mąą nui tii a yili ɲɔ̨nwɔ̨mą nwun dɔ̨nɔ̨ hɔlɔɓo, ɓɛlɔwai gu kaa la ɲɛnɛ̨ɛ̨ ŋɛ̨i hu. A pɛlɛ́ɠaa hɔlɔɓo, ə nąn nonnii hɔlɔɓo, a neeni, ə mą kɛ nonnii, da nwɔ tii kɛ lɔiɠaa hɔlɔɓo bɛlɛɛ ɓɛlɛkpɛɛ mąą ɓa. Yili pulu, a yɛnɛ̨ɛ̨ kpɛɛ hvo mą hɔlɔɓo Yálá-taa tɔɔlaa hu.

Yálá laawoo hɛɓɛ

³⁰ mąą nui tii a yili ɲɔ̨nwɔ̨mą nwun dɔ̨nɔ̨ hɔlɔɓo, ɓɛlɔwai gu kaa la ɲɛnɛ̨ɛ̨ ŋɛ̨i hu. A pɛlɛ́ɠaa hɔlɔɓo, ə nąn nonnii hɔlɔɓo, a neeni, ə mą kɛ nonnii, da nwɔ tii kɛ lɔiɠaa hɔlɔɓo bɛlɛɛ ɓɛlɛkpɛɛ mąą ɓa. Yili pulu, a yɛnɛ̨ɛ̨ kpɛɛ hvo mą hɔlɔɓo Yálá-taa tɔɔlaa hu.

Bible

³⁰ m̀aa nuui tí a pâi pɛ́rɛ-ŋa sɔlɔ ƃôi é tɛ́ɛ ŋ̀uŋ támaa ma ŋ̀éniɛi ŋí su, da lia-surɔŋ da nɛnî-ŋa, leɣe-surɔŋ da leɣe-nɛnî-ŋa, ǹee-ní támaa, nîa-pɛlɛɛ támaa kɛ́ ƃò ǹyêei da lɔii, gbɔara-ƃela támaa máŋ. Ǹyaŋ a pâi wɔ́lɔ-wɔlɔ fulu-laai sɔlɔ ƃôi tuɛ-pere ɣéniɛi su.

Markə 10:30 ပူးပေါင်းရင်းမြစ်များ

Kɔlɔnikɔ Veerɛi 25:9

Amasiasə yɛ Yálá nwɔ nui tii ɓa: «Akɛtii, nwali kwələ nwundɔ̨nɔ̨i ŋɛ̨i ŋį́ dɛɛ Israɛlə kɔlaɠai ɓai, ŋį́ yili kɛ ləi?» Yálá nwɔ nui yɛ mą: «Hɛn gaa Yai-Laa yəi yɛ dɛɛ ə́ pɔ, gɛnɛ̨ dɛɛ yili ɓa.»

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 13:8

Daɠaa di too lɔi lɛlɛɛ hu, di ɓɔn, di mɔ̨n. Gbaɠa taɠaa kɔ́w yɛ ɓo ŋą: nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Lukə 18:30

a bɔɔi hɔlɔɓɔ a gbulu kɛnɛ̨ɛ̨ tinąą Yálá yəi.»

Ɉaan 10:23

Bələi ŋɛ̨i kɛ Yálá hee pɛlɛ́ mu, diɛ kɛ mą: Salomɔn nwɔ pələi, Jesus ə kɛi tɛ̨ɛ̨tɛ̨ɛ̨ ɓo ɉu.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Timote dɔlɔɔ 6:6

A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.