Markə 10:24 - Yálá laawoo hɛɓɛ (dc)

²⁴ Nwoo tii ə galan nɛai kwəi pili diɛ. Kɛlaa, Jesus ə pənə ə mo diɛ, yɛ diɛ: «Nónni, gɛ laa walai nu ə lɔ Yálá-taa tɔɔlaa hu.

Yálá laawoo hɛɓɛ

²⁴ Nwoo tii ə galan nɛai kwəi pili diɛ. Kɛlaa, Jesus ə pənə ə mo diɛ, yɛ diɛ: «Nónni, gɛ laa walai nu ə lɔ Yálá-taa tɔɔlaa hu.

Bible

²⁴ Bôlu-ƃelai kíli ŋá e tɛ̀i a ŋ̀óoi ŋí. Kɛ́lɛ, Zîsɛ è ŋɔ́nɔ lì tuɛ pere a ŋ̀óo ǹyɛɛ dîai, “Ńônii, gbanaŋɔɔ̂i kpɔ́ a gɛ́ɛ núu é lí Ɣâla ŋɔkâloŋ-laai su (à kɛ̀ a gíli kɛ̀ tɔɔ-laa ma)!

Markə 10:24 ပူးပေါင်းရင်းမြစ်များ

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Mąątɛ̨nɛ̨ 52:7

Yálá yaa kpinįi gaa pai ə́ hu kalai, a yələ kəlee mɛ̨nį. Gaa pai ə́ yalai, yɛ́ ə́ wɛan ə́ yəi bɛlɛ́n, yɛ ə́ kulɔ a ə́ nwun, yɛnɛ̨ɛ̨ nuą lɔwai.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Hanwon 11:28

Nui a gilitɔɔ hɛn gɔw nąmu ɓa, a too. Kɛlaa, tələnmomun a ɓuwuɓo, yɛ yá kwɛlɛ wulu.

Hanwon 18:11

Hɛn gɔw nąmu nwɔ hɛn gɔwi kaa a mąąkɔ̨nwɔ̨ taa. Gaa nwɔ ɲɛ̨i mu yɛ hįį mɛ̨i kwɛai kɔ́ hva gulɔ.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Habakukə 2:9

kpalo ɓɛlaai kaa, kaai ka hvulu hɛn gɔw hon, kaa ɲiɓɛi laahvɛɛ la. Gaa ka kwəi, kaa kɛ kɛa a nu kpɛa kpɛa yili hu, mɛ̨nį nwąnąą ŋɛ̨i pai, da hva kɛa həli kaa.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Maafîu 19:25

Yii kɛa galan nɛa di nwoo tii mɛ̨n, di kwəi ə pili diɛ. Diɛ Jesus ɓa: «Akɛti, gbɛɛ ɓə ka ni pai ɓaloi?»

Markə 1:27

Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Markə 10:23

Jesus ə tinɛ̨n ə nwɔ kalan nɛai kaa gwɛlɛ, yɛ diɛ: «Hɛn gɔw nąmu lɔ laa walaai Yálá-taa tɔɔlaa hu.»

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Ɉaan 13:33

Nónni, və́ kɛa pai lamui ka pɔ, ka káá pai kɛi gwɛ́li; kɛlaa, yɛ pələi ŋą́ mo la Ɉuifəɠaa diɛ gɛ́ diɛ: ‹Ɓɛi gáá lii laa ka hva pɛli lii laa›, bələ lɔ ɓə nwɔ̨nɔ̨ gáá moi la kaa.

Ɉaan 21:5

Jesus yɛ diɛ: «Lɛapɛlɛɛ! Kaa hɔ̨nwɔ̨lee hon?» Diɛ mą: «Kpaa-o!»

Ɉaan 6:60

Nwooɠaai tii mɛ̨n ŋąą pulu, Jesus nwɔ kalan nɛai damąą di mo di kee lɔwai diɛ: «Nwoo ŋɛ̨i walawalai, gbɛɛ ɓə a pɛli mą ɉon ɉii?»

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 5:21

Nónnii pɛlɛɛɠaa, 'ká ká kpɔwɔ mɛ̨i kaa haliɠaa mąą mɛ̨nį ɓa.

M̀ɛni-lɛɛi 3:17

Gbala ə tɔɔ, yá kɛ kɛi diɛ: ‹Hɛn gɔw kaa ɲə́i, mą́ą́ kpaan və hɛn da ɓa›, ɛlɛɛ, ə́ kili hvo ɉu, yɛ́ kɛ, ə́ hvɛɠɛɛi, ə́ mąąwɛliɛ, ə́ yee ɲą kpɛɛ, ə́ ɲɛ̨i puɔ, ɛlɛɛ, yɛ́ ɓo a ə́ kpuwulu,