Markə 10:22 - Yálá laawoo hɛɓɛ (dc)

²² Yii kɛa ɉulɔnu tii ə nwoo tii mɛ̨n, ə ɲənąą yili, ə tɛɛ yɛ li. Mąąhɔlɔɓo, hɛn gɔw kɛnɛ̨ ə kɛ ɲəi.

Yálá laawoo hɛɓɛ

²² Yii kɛa ɉulɔnu tii ə nwoo tii mɛ̨n, ə ɲənąą yili, ə tɛɛ yɛ li. Mąąhɔlɔɓo, hɛn gɔw kɛnɛ̨ ə kɛ ɲəi.

Bible

²² Ǹalôŋ kɛ́ɛ a ŋ̀óoi ŋí mɛnîi, è ŋ̀ɛ́i yèŋ zu é lí a malôŋ pere, kpɛ́ni fêi, sãa támaa è kɛ̀ ǹyêei.

Markə 10:22 ပူးပေါင်းရင်းမြစ်များ

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 19:22

Yii kɛa ə nwooɠaa tii mɛ̨n, nii ə kələn gwəi, ə pənə yɛ li. Mąąhɔlɔɓo, hɛn gɔw kɛnɛ̨ ə kɛ ɲɛ̨i.

Maafîu 27:3

Ɉudasə ŋɛ̨i Jesus lɔwɔtɔɔ, yii kɛa gaa yɛ daa Jesus hon diɛ li baai, naa mąąwɛli ə ɉon níí ə holi, ə pənə ə pa a nwalii tii di Jesus ya la, ə dɛɛ ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą pɔ, yɛ diɛ:

Markə 10:21

Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Markə 10:23

Jesus ə tinɛ̨n ə nwɔ kalan nɛai kaa gwɛlɛ, yɛ diɛ: «Hɛn gɔw nąmu lɔ laa walaai Yálá-taa tɔɔlaa hu.»

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Markə 6:26

Yili hvo kpɔ nɛ̨ɛ̨ tɔɔmun ma. Kɛlaa, nwooi tii ə gwɛlɛ mɛlaa ɲɛ̨i ɓa, mąą mɛ̨nį ɓa, hvo kɛ bɔ hvo gwɛla woo kala.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Lukə 18:23

Kɛlaa, nwooɠaa tii mɛ̨n ɉulɔnui tii ə mo, vii ə kpɛɛ, mąąhɔlɔɓo, ə kɛ a hɛn gɔw nąmu kɛnɛ̨.

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.