Malasi 3:8 - Yálá laawoo hɛɓɛ (dc)

⁸ Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Yálá laawoo hɛɓɛ

⁸ Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bownąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Bible

⁸ Ŋa mare-kɛ̂ɛ kɛ̂i, gáa a mɛni lɛ́lɛɛ a gɛɛ núu é Ɣâla fili? Tɔ̃yâ ma, kpáo, kɛ́lɛ kákaa ŋɔ́ ḿvilîi. Ka ḿare-kɛ̂ɛ kɛ̂i kâa, ‘Kwa ífilîi léŋ?’ Ka ḿvilîi kâkɔ̃liŋ buu-ɣelei tɛɛ mɛ̂ni su da zama-sã̂ai tɛ́ɛ mɛni ma ḿbɔ.

Malasi 3:8 ပူးပေါင်းရင်းမြစ်များ

Mąątɛ̨nɛ̨ 29:2

'Ka Yai-Laa laa mąąwia loloɓo, 'ka kwɛli hvilɛn Yai-Laa ɓa; 'ka nwɔ mąąhəɠə laa kɛnɛ̨ɛ̨i mąątɛ̨nɛ̨.

Hanwon 11:24

Nuąi da mɛ̨inɛ̨ɛ̨ kɛ a lii nɛ̨ɛ̨ gwəilaa, di yeela a hvoloon, nuąi da di yee laa kpulu di yəi hɛn ma, diɛ too kanąn ɉu.

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Zakari 5:3

Ya ɓə a kɛ mą́ą́: «Nɛ̨ŋɛ̨n naa ka tii taɠai nɔi kɔ́lɔ kəlee. «Mɛ̨nįi bɛ̨ɛ̨ bələ tɔ̨nɔ̨, ya ɓaa, di nwuɔ̨mun nɔpee, gəlee kulɔ nɔi hu. Ɛlɛɛ, bələ tɔ̨nɔ̨ yɛ mą: Nui lɔpee a gwɛla a lɛɛ, di gulɔ nɔi hu.»

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Malasi 1:8

Ɓɛlɔwai ka kɛ pai la a taatɛlɛɛ ɲɛ̨ipuɔ, awala kɛ tii, taatɛlɛɛ gɔwɔ nwąnąą, yili hvo mą, ɲɔ̨n yɛ ɓo mą; ká kɛi gulɔ mą́ą́ a haláái, gaa ka kwəi yili haŋąąi? Akɛ ka daatɛlɛɛ ɲɔ̨nwɔ̨mąi tii tɛɛ ka wɔ lɔi nąmu pɔi, gaa ka kwəi a ɲee hee mu, ə mɛ̨inɛ̨ɛ̨ kɛ kaa? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ káá, ka wɔ mąąnįn gɛ ka tii!

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Markə 12:17

Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Lukə 20:25

Ya ɓə Jesus a kɛ diɛ yɛ: «Yii kani gaa tii, 'ka Sesarə nwɛi tɛɛ Sesarə pɔ, 'ka Yálá nwɛi tɛɛ Yálá pɔ.»

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Lomaŋ 2:22

Yɛ́ kɛ diɛ: Nu hvo wɛli hon, yɛ́mun, yɛ wɛlikɛ. Yɛ́ kɛ: Hali wɛli hvo yɛ́, yɛ́mun, yɛ́ hali kɔi hɛnŋąą nwuɔ̨!

Zasua 7:11

Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.