Malasi 3:18 - Yálá laawoo hɛɓɛ (dc)

¹⁸ Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Yálá laawoo hɛɓɛ

¹⁸ Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Bible

¹⁸ Ŋánûai da pâi ŋɔ́nɔ mɛni sîi feerɛ loai kɔ́lɔnîi, zɔnyɔ̂ŋ-ƃelai da zɔŋ lɛ̂lɛɛ-ƃelai, ǹúui va ŋ́oo mɛnii da ǹúui a ŋ́oo mɛnii.”

Malasi 3:18 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Zôo 17:10

Yii ɓaa ka wɛi, kaa ɓə gáá kaa, ka pa, ka pənə ka pa kani. Və́ kilimąą mun dɔ̨nɔ̨ kpɛli kaa li ka lɔwai.

Zôo 6:29

Ka pənə ka haŋą, nu ta hvo kɛa hulu kɛ. Gáá kpɔ moi kaa, ka haŋą. Nwɔ́ tələnmolaa hu yɛ ə kala.

Lɛɛ gbɔwɔ ɓa 11:7

Israɛlə lonnii pɔɔli pələ nwɛi, yilɛ hva kpəɠi laa nu ɓa, ə mą kɛ, taatɛlɛɛ ɓa. Yili pɔ pələ ɓə ka gɔlɔn na kaa Yai-Laa aa Eziptə nuą da Israɛlə nuą di lɔwai tɔɔ.

Ɉeremi 12:15

Kɛlaa ŋį́ di kulɔ tii a di nwun, gáá pai pənəi ŋį́ di mąąwɛli kaa, ŋį́ pənə ŋį́ pa a di kəlee gwɛ́lin nɔi hu, ŋį́ nu kəlee hee nwɔ lɔi hu.

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»