Malasi 3:17 - Yálá laawoo hɛɓɛ (dc)

¹⁷ Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Yálá laawoo hɛɓɛ

¹⁷ Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Bible

¹⁷ Ŋ̀wála-wâla kélee Yâwɛɛ a môi ǹyɛɛi, “Da pâi kɛ̂i a ḿbɔɔ kpîŋ-kpiŋ, ŋ̀ele-kûui ŋa pâi pâi lai. Ŋa pâi dímalôŋ kâa yɛ̂ɛ berei ǹaŋ-nuui a ǹóŋ malôŋ kàa la nyii a tíi kɛ̀ mìi.

Malasi 3:17 ပူးပေါင်းရင်းမြစ်များ

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Mąątɛ̨nɛ̨ 115:13

Gaa pai lúwɔ́ kɛi nuąi da ɲɔw Yai-Laa ɓa diɛ, bɛlɛɛ pɛlɛɛ mąn, gbɛa kpɛa mąn.

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Wɛli 2:16

Nwɛ́likɛmąąmun kaa a nwɔ́ɔ́, gɛ́ ɓo a nwɔɔ, a li a nwɔ taatɛlɛɛɠaai yágbudɛn ɉu.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Sofoni 2:2

Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Dutɛrɔnome 14:2

Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,