Malasi 3:15 - Yálá laawoo hɛɓɛ (dc)

¹⁵ Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Yálá laawoo hɛɓɛ

¹⁵ Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Bible

¹⁵ Kwa ǹyoŋka-ƃelai sîɣe a Ɣâla ƃɔƃɛlɛ sêe sɔlɔ ƃó-ƃela. Sɔnyɔ̂ŋ-ƃela dífa mɛni lɛ́lɛɛ sɔlɔ ƃô nɔ́, kɛ́lɛ da Ɣâla ŋɔlii kpêlei su-kɔɔŋ a díŋwana-lɔ̂ɔ tua-kɛ́ɛi, da kɛ́ gàa a gɛɛ mɛni da fé pâi kulâi zu.’ ”

Malasi 3:15 ပူးပေါင်းရင်းမြစ်များ

Zôo 1:22

Mɛ̨nįɠaai ti kəlee hu, Ɉobə hvo nɛ̨ŋɛ̨n ɉəɠə, hvo woo ɲɔ̨n mo Yálá laa mɛ̨i.

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Zôo 21:30

Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.

Zôo 22:23

Yá pənə yá pa Huwalawala Kəlee Nąmu pɔ, Yɛ́ mɛ̨nį ɲɔ̨n gəlee kulɔ ə́ túwɔ́ pələ hu, yá ə́ kpɔ hɔlɔɓo.

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Mąątɛ̨nɛ̨ 141:4

'Hvó nį́i lɛɛ laa hvo ɉon a pələ ɲɔ̨n, 'gɛ, və́ ɲéé too nɛ̨ŋɛ̨n dúwɔ́ hu, kwa mɛ̨nį ɲɔ̨n gɛ nuą, və́ pa di wɔ hɛli kɔ̨nɔ̨n ta kɔɔn.

Mąątɛ̨nɛ̨ 49:18

Mąąhɔlɔɓo ɉaai lɔwai a həli, hvo pai lii a hɛn da; da nwɔ mąąwiɛlaai di hva li a gee.

Mąątɛ̨nɛ̨ 58:2

Ka hvaa woo a tələnmolaa hvinatɔn, kaai a nukaŋąą, ka kɛ mɔ̨ɔ̨ nu lonnii kiti teei a ɉąŋąą?

Mąątɛ̨nɛ̨ 73:12

Ɛlɛɛ nu ɲɔ̨nwɔ̨ɔ̨ɠaai tii kaa lɔ tii, di wəli pulu laɠiɛ, diɛ hɛngɔw tiɛ̨ gee mɛ̨i.

Mąątɛ̨nɛ̨ 73:3

Mąąhɔlɔɓo, ɲɛ̨́i ə kɛi kulɔ hɛn nąmįną pɔ, a nɛ̨ŋɛ̨n ɉəɠə nuą di wɔ nwunnąnɛ̨ɛ̨ kaai ŋį́ kɛi moi.

Mąątɛ̨nɛ̨ 78:18

Di gili, diɛ gɛ, diɛ Yálá woo kwɛli, diɛ kɔ̨nɔ̨n ɉu hvɛli mą, diɛ mįi a di liiɓa pələ.

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.

Mąątɛ̨nɛ̨ 95:9

Ɓɛi ka nąnni di tɔɔ laa ná, diɛ ɉú kɔ́ɔn, ya pa daa kɛ gáá gɛ́ mɛ̨nįɠaa hu.

Hanwon 12:12

Nui hvo Yálá kɔ́lɔn, a ɲɛ̨i kulɔ nwąnąlɔ nuą hɔlɔɓo hɛn bɔ. Kɛlaa, tələnmo nuą hamu a di kɔ́ a hɛn.

Ikilisiati 8:14

Kɛlaa yaamun, mɛ̨nį ta a kɛ kɛi lɔi mɛ̨i gɛ́ gaa, ya ɓaa: Mɛ̨nįi mąąnɛ̨ɛ̨ ə həli nwąnąlɔmun ma, yili yaamun, mə a həli mɛ̨nį haŋąą kɛmun ma. Bələ lɔ ɓə gaa la, nwąnąlɔmun yaamun, gɛ mɛ̨nį hu yɛ nɛ̨ɛ̨, yɛ a kɛ a nu haŋąą. Gɛ́ diɛ: yili kaa a kpɛli-kpɛli mɛ̨nį.

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Ɉeremi 7:10

Yili pulu kaa pa tɔɔi nííla, bɛlɛ́i ŋɛ̨i naa kwɛlan mɔ̨ɔ̨ mą́ą́ mu, kaa kɛ diɛ: «Kuɔ ka! Kwaa ɓalo!» Ka həɠə laa, ka hvilɛn ŋąą lɔ mąąliɓi mɛ̨nįɠaa tii pulu kaa gɛ!

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Danîa 6:16

Kɛlaa, nuąi tii, di bɛlɛ nwɔ̨nɔ̨ gee ɓa, di pa diɛ tɔɔmun ma: «Oo Tɔɔmun, ə́ kili kaa ɉu yɛ́ diɛ, Medi nuą da Pɛrsə nuą di wɔ tɔ́n, tɔɔmun a ɲee pɔɔ too ɉu, hva kɛa ɉəɠə mą.»

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Gɛlaɠaa 12:21

Mąą yələ həliɛ, Herodə ə nwɔ tɔɔ həɠəi too gwąną, ə hee dɔɔ kpəlin ɉu. Ɛlɛɛ, gɛɛ bələ ɓoi nuą diɛ,

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Kili-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Hebreu 3:9

Nąą ɓə ká nąnni di ɉúkɔɔn naa, ə gɛ, di gáá, diɛn, di ɲéé pɔɔ kaa,

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»