Malasi 3:12 - Yálá laawoo hɛɓɛ (dc)

¹² Lɔi takpɛliɠaa kaa pai kɛi káá: Ká wɔ lɔi kaa a lúwɔ́ lɔi, mąąhɔlɔɓo, ka káá ka nɛ̨ɛ̨ hu ka pɔ lɔi. Ɲą́ą́ Yai-Laa Mɛ̨nį Kəlee ŋą Hééɓomun, wóó li.

Yálá laawoo hɛɓɛ

¹² Lɔi takpɛliɠaa kaa pai kɛi káá: Ká wɔ lɔi kaa a lúwɔ́ lɔi, mąąhɔlɔɓo, ka káá ka nɛ̨ɛ̨ hu ka pɔ lɔi. Ɲą́ą́ Yai-Laa Mɛ̨nį Kəlee ŋą Hééɓomun, wóó li.

Bible

¹² À kɛ̀ tí gɛ̀ ní ǹɔii-ŋûŋ-ŋai kélee da pâi kátôlii a lii-nɛ̃̂ɛ-ƃela.”

Malasi 3:12 ပူးပေါင်းရင်းမြစ်များ

Kɔlɔnikɔ Veerɛi 32:23

Nu tamąą di kɛi pa Ɉerusalɛmə daai a Yai-Laa kɔ́ hɛnŋąą, da mɛ̨inɛ̨ɛ̨ɠaa a Ɉuda tɔɔmun Ezekiasə nwɔɔ. Ə həɠə mɛ̨nįi tii ɓa, yɛnɛ̨ɛ̨ lɔiɠaa kəlee di kɛi mɛlɛ kɛ mą.

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Azaya 62:5

A tɛ̨ą, yɛ bələi hulɔnon a nwɔ nɛ̨ɛ̨gbɛlai hɔlɔɓo la a nɛ̨ą, ə́ lonnii kaa pai ə́ hɔlɔɓoi lɔ tii, ɛlɛɛ, bələi kpɔlɔ, wɛli nɛ̨ɛ̨nu kaa la a nwɔ wɛli nwɔ kwəinɛ̨ɛ̨, bələ kpɔlɔ ɓə ə́ wɔ Yálái kwəi kaa pai nɛ̨ɛ̨i la ə́ mąą mɛ̨nį hu.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Danîa 11:41

Gaa pai nɔi lɛlɛiɠaa kəlee həɠəi, nu tamąą di ɉu haa ɓo. Kələə Edɔmə nuą, Moabə nuą, da Amɔn nu huwu gbɛa-kpɛaɠaa di wɛi da kulɔ ɉu.

Danîa 8:9

Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Malasi 3:13

Yai-Laa yɛ diɛ: Ká kɛ woo ɲɔ̨nŋąą ɓoi mą́ą́, yili pulu, káá kɛ mą: «Lə mɛ̨nį ɓə ku mo a ɲɔ̨nwɔ̨ɔ̨ ku kee lɔwai, yɛ hvilɛn na yɛ́?»

Lukə 1:48

Mąąhɔlɔɓo, aa ɲɛ̨i lɛlɛɛ hee ɲą́ą́ ŋɛ̨i a nwɔ luwɔ nɛ̨ąąi mą́ą́ A tɛ̨ą, ə həɠə yiihu ɓa, ə lɛɛ la ɉu hąą, lɔi mɛ̨i nuą kəlee kaa pai kɛi mą́ą́: nwun na nɛ̨ɛ̨ nɛ̨ɛ̨nu

Dutɛrɔnome 11:12

Nɔi tii kaa a lɔi yii Yai-Laa ka wɔ Yálái a mɛ̨i kaa kpɔ a mɔlɔɔ. Ə həɠə gwɛlan gbala tɔɔi lɔwai ɓa, ə lɛɛ ɉu naa ə kulɔ, Yai-Laa ka wɔ Yálái a mɛ̨i kaa.