Malasi 3:10 - Yálá laawoo hɛɓɛ (dc)

¹⁰ 'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Yálá laawoo hɛɓɛ

¹⁰ 'Ká pa a ká hɔlɔɓo hɛnŋąą kəlee bownąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Bible

¹⁰ Ka pá a kákɔ̃liŋ buu-ɣêlei kélee Ŋ̀âla-pɛrɛi Kɛ́tɛi mu, gɛ̀ ní mii-sɛ̂ŋ támaa a pâi kɛ̂i naa. Ka ńzu kɔ̂ɔŋ, ǹyaŋ ka pâi gâai, ŋa pâi Ɣâla-taa wôna-ŋai láa ƃôi ŋá sɛŋ lɛ́lɛɛ sii támaa tɛ́ɛ kápɔ.

Malasi 3:10 ပူးပေါင်းရင်းမြစ်များ

Zɛnɛse 28:22

Gwɛni ŋɛ̨i ŋą́ dɔɔ ɓɛ, gaa pai kɛi a Yálá nwɔ pɛlɛ́, hɛn kpɔ Yálá a hvaa mą ŋą́ ɉɔlɔɓo, ŋą́ bow nąą tɛɛ bɔ.

Zɛnɛse 7:11

Noe kaa kwɛlan nwun mɛ̨idanąą, ɲąnin veelɛ, voló pow gɔw mɛ̨ihveelɛ yələ, lɔi laa ə ɓo, yələkɔlɔn naa ə ɓo, yá yɛ kulɔ nąą kəlee.

Tɔɔɓɛlaa veelɛ 7:19

Yaan, tɔɔmun nwɔ ɓíítiŋɛ̨i ə mo Yálá nwɔ nui ɓa, yɛ mą: «Ə mą kɛ Yálá aa wolo ɓo yələkɔlɔn mą, nwoo ŋɛ̨i ə́ mo, hva pɛli kɛi», Elise yaan, ə nwoo pulu pənə, yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Kɔlɔnikɔ Maa-ŋuŋ 26:20

Lévi taɠaa, a di kaayɔwɔɠaa, di kɛ Yálá nwɔ pɛlɛ́i ɉɛngɔw mɛ̨nį nwun na, daɠaa di ɓo ɉaláá kulɔ hɛnŋąą nwun na.

Nehemi 12:44

Volói tii ɓə di nuą taɠaa yɛɠɛ la ɉu, ə gɛ, ɉihɛn nįnɛ̨ɠaa da ɉɛn bow nąąɠaai di pai kɛi gulɔi da bu mu, diɛ mɛ̨i kaa. Ɉɛnŋąąi tii da paa la diɛ həɠə la daaɠaa hu, nuąi tii ɓə da haláá laa həli nuą da Levi huwuhu nuą di wɛi kulɔ ɉu, pələi tɔ́n ə mo la. Ɉuda nɔi nuą kəlee kwəinɛ̨ɛ̨i kɛ ɉaláá laahəli nuą da Levi huwuhu nuą di kɛ koló hu.

Nehemi 12:47

Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Mąątɛ̨nɛ̨ 78:23

Ə mo tulɔ kpinįnŋaa diɛ yələi, ə yələkɔlɔn naa ɓo.

Ikilisiati 11:3

Tulɔ kpinįn ɲa a kɛ mą, ya ɓə a tulɔ pu. Wulu a too, ə too ɉɛgɛɛ pələ, ə too yánwuɔ̨ pələ, yii mą a tɛ̨ą, ya ɓaa: ɓɛi kɛa a laa la, hva kɛa tinɛ̨n gbɔwɔ ɓa.

Izikiɛ 34:26

Gáá pai lúwɔ kɛi nɔi ŋɛ̨i ɓa, da gwɛlɛ lɔiɠaa kəlee. Gɛ́ tulɔ pu di mɛ̨i a bui lɔwai, yili yɛ kɛ diɛ a lúwɔ.

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Osia 2:21

Gwá too wɛlii a yələ kəlee mɛ̨nį, gwá too wɛlii, tələnmolaa hu, da tɛ̨ą, a wɛlikɛmąąlaa, da lii nɛ̨ɛ̨ gwəi.

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Zooɛ 2:24

Mɔ̨nun dan ɉiiɠaa laa aa hvɛɛ a mɔ̨nun, di wɔ hɛnɲaŋąɠaa laa ə hvɛɛ a lɔɔ da wulɔ nįnɛ̨.

Levetekɔ 26:10

Gwɛlanŋąąi daa tɛɛ, di wɔ mɔ̨nun mə ka káá pai kɛi mįi. Gwɛlan yii aa tɛɛ lɔ, ka nwɔ mɔ̨nun bɔlɔi kulɔ gələɠaa hu, kaa pɛli mɔ̨nun nįnɛ̨ pui hɔlɔɓoi.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Levetekɔ 27:30

«Hɛn bow nąą lɔpee a kulɔ lɔi hu, yɛ ə kɛ a hihɛn ɉuwu ta, ə kɛ a wulu ɓá ta, gəlee kaa a Yai-Laa nwɔɔ, hɛn mąąhəɠɛɛ li a Yai-Laa nwɔɔ.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Lonon mo 18:21

«Levi lonnii di wɛi ka: Hɛn lɔpee pai hɔlɔɓoi Israɛlə lɔi hu, bow nąąi da gulɔ a Nįįhɔ̨nwɔ̨; yili ɓə gáá dɛɛi Levi lonnii pɔ a gee kaa kələ mąą kólóɠaai da gɛ mąą hvɛla.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Dutɛrɔnome 14:22

Hɛn lɔpee ka káá pai ɉin ɉii ka pɔ yɛa kwɛlan dɛi tɛi yee mu, ka bow nąą tɛɛ Yai-Laa ka wɔ Yálái pɔ.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 28:12

Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.