Malasi 2:8 - Yálá laawoo hɛɓɛ (dc)

⁸ Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Yálá laawoo hɛɓɛ

⁸ Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Bible

⁸ “Kɛ́lɛ káai a zâla láa soŋ-ƃelai ká siɣe bere sã́ai ma. Kásɛŋ-lɛ́ɛi a núu támaa kɛ́ da sɔnyɔ̂ŋ kɛ́. Ka m̀ɛnii kara ŋá gbɛ̀tɛ kámɛni mai.

Malasi 2:8 ပူးပေါင်းရင်းမြစ်များ

Tɔɔɓɛlaa veelɛ 16:11

Ɉaláá laa həli mun Uriya ə ɉaláá kulɔi pɛli yɛ bələi kpɔlɔɔ tɔɔmun Akazə ə dɔɔ pələ kpaɠala lɛ la mą. Ə gɛ kpɔlɔɔ gɛɛ tɔɔmun Akazə hvo həɠə Damasə yɛ pa.

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Mąątɛ̨nɛ̨ 119:102

Və́ nwún gulɔi mɛ̨nįɠaai ə́ mo mu, mąąhɔlɔɓo, yɛ́ ɓə kili tɛɛ bɔ́.

Mąątɛ̨nɛ̨ 18:21

Yai-Laa a ɉón yɛ bələi nwɔ́ tələnmolaa kaa la, bələi lɔ ɲéé mąąhəɠɛɛ la, bələ lɔ ɓə a və́la kulɔ la;

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 17:5

Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Levetekɔ 21:15

mąą hvo nɛ̨ɛ̨li hvo huwu takpɛli lɔ ɉuwu hu, mąąhɔlɔɓo, ɲą́ą́ ɓə gáá a Yai-Laa, ɲą́ą́i ɉəɠə ɉu.»

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Malasi 2:5

Mįnɛ̨i tii gaa kwa diɛni ku lɔwai, mąą mɛ̨nį ɓa, ŋą́ yɛnɛ̨ɛ̨ kpɛɛ hvo mą da yeela hvólóon gɛ diɛ, ŋą́ mąąwiɛ too di hu, di nwóó hon, diɛ ɲɔw náá ɓa.

Lonon mo 25:12

Yili mąą mɛ̨nį ɓa gɛ́ kwa yaa ku mįnɛ̨ həɠə, liilaa ə kɛ ku lɔwai.

Lonon mo 25:13

Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Lomaŋ 14:21

Yii nɛlɛɛ ya ɓaa: Nu hvó huwɔ mįi, hvo lɔɔ kpɛlɛ, ɛlɛɛ, da hɛn nɔpee a nu həɠə Yálá pələ mɛ̨i.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.