Malasi 2:7 - Yálá laawoo hɛɓɛ (dc)

⁷ A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Yálá laawoo hɛɓɛ

⁷ A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Bible

⁷ Gáa a zâla-láa soŋ-ƃelai dítii a gɛɛ dí tɔ̃yâ-mɛni lɛ́ é pîlaŋ Ɣâla ma. Ǹɛ̂lɛɛi ǹûa dí lí dípɔ a gɛɛ dí mɛni maa kɔ́ri é pîlaŋ ńîa-mɛnii ma kpɛ́ni fêi, dia ƃé díkaa a Ŋ̀wála-wâla kélee Ɣalai ŋɔkéla-ŋa.

Malasi 2:7 ပူးပေါင်းရင်းမြစ်များ

Tɔɔɓɛlaa veelɛ 16:11

Ɉaláá laa həli mun Uriya ə ɉaláá kulɔi pɛli yɛ bələi kpɔlɔɔ tɔɔmun Akazə ə dɔɔ pələ kpaɠala lɛ la mą. Ə gɛ kpɔlɔɔ gɛɛ tɔɔmun Akazə hvo həɠə Damasə yɛ pa.

Tɔɔɓɛlaa veelɛ 16:16

Mɛ̨nįɠaa kpɔ tɔɔmun Akazə ə mo, ɉaláá laa həli mun Uriya ə gəlee kɛ.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Kɔlɔnikɔ Veerɛi 31:4

Tɔɔmun ə mo Ɉerusalɛmə nuą diɛ, yɛ diɛ: Hɛn mąąnɛ̨ɛ̨ ka dɛɛ ɉaláá laa həli nuą da lévi lonnii pɔ, 'ka dɛɛ di pɔ, əgɛ, di di hvaŋąlɔ Yai-Laa ŋą tɔ́n mąą mɛ̨nį hu.

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Hanwon 5:2

Ə gɛ yɛ́ pɛli mɛ̨nį hu kpɛ kili laahon moi. Yá gɛ tii, kili woo ɓə pai kɛi kulɔi ə́ la.

Ikilisiati 5:5

Wooi a ə́ kɛ a hon mąąmun, yili mąąlaa. 'Hvó kɛ Yálá nwɔ tímun ma: «Və́ gíliŋąhiɛ gɛ́ mo», 'hvó pa gɛ, Yálá hvo niiɲąnwąną, hvo ə́ kɛ mɛ̨nįɠaa hukala.

Azaya 42:19

Gbɛɛ ɓə kɛ ɲɛ̨i puɔɔ, kɛlɛi nwɔ́ tímun lɔ ɓə kɛ? Gbɛɛ ɓə kɛ nwəli wolɔɔ yɛ nui gáá pai dɔɔi? Gbɛɛ ɓə kɛ ɲɛ̨i puɔɔ ə həli nui aa liilaa hɔlɔɓo bɔ? Gbɛɛ ɓə kɛ nwəli wolɔɔ yɛ Yai-Laa nwɔ tímun?

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Danîa 11:33

Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Levetekɔ 10:11

Ɛlɛɛ kaa pɛli Israɛlə lonnii mąąkwɛlii diɓoɠaa diɛ, diɓoɠaai Yai-Laa ə di tɛɛ Moisə pɔ, yili yaan yɛ nɛ diɛ.»

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Egaa 1:13

Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Zakari 7:3

diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Ɉaan 13:20

A tɛ̨ą kpɔ-kpɔ gáá moi kaa, ŋą́ nu tɔɔ, nu a ɲee hee mui, aa ɲee hee mú; nui a ɲee hee múi, aa ɲee hee nui dɔ́ɔ́ mu.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Galatə 4:14

Ɛlɛɛ, gbínį ə kɛ kpɔ a hɛn mąąɲɔwɔ, yili hvo ká mąąɲɔw li, hvo ɲįnɛ̨-ɲįnɛ̨n doo li ká hu, kɛlaa káámun, ká ká yee hee mú, yɛ Yálá ŋą malaka ta, yɛ Jesus Kristə.

Dutɛrɔnome 21:5

Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.