Malasi 2:4 - Yálá laawoo hɛɓɛ (dc)

⁴ Nąąlɔwai, ka gbaɠala kaa, kaa diɛ: Mɛ̨nįi ŋą́ mo káá, yili ə kɛ tii, ɛlɛɛ, nwóói ŋą́ gwɛlɛ Levi da ɉuwu hu nuą diɛ, gaa ni mą. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Yálá laawoo hɛɓɛ

⁴ Nąąlɔwai, ka gbaɠala kaa, kaa diɛ: Mɛ̨nįi ŋą́ mo káá, yili ə kɛ tii, ɛlɛɛ, nwóói ŋą́ gwɛlɛ Levi da ɉuwu hu nuą diɛ, gaa ni mą. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Bible

⁴ À kɛ̀ tí ka pâi gɔ́lɔnîi a gɛɛ ŋá m̀ɛnii ŋí ƃò kâa a gɛɛ m̀ɛnii ŋá gbɛ̀tɛ zâla láa soŋ-ƃelai yêei da Livai ŋɔkaayɔɔ-ŋai vé pâi karâi.

Malasi 2:4 ပူးပေါင်းရင်းမြစ်များ

Tɔɔɓɛlaa dɔlɔɔ 22:25

Mise yɛ mą: «Yɛ́ kpinįi ə kaa pai nąą kaai, a volói ə kaa pai kɛi pui la yɛ ə́ nwun mąąkilɛi kwɛli, ya lɔ bɛlɛ́ yii mu, ə́ kulɔ laa yɛ lɔ dakpɛli mu.»

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Ɉeremi 28:9

Kɛlaa Yálá kwəi mɛ̨nį hukulɔ mun da, a kɛi Yálá kwəi mɛ̨nį hukulɔ, yɛ liilaa mɛ̨nį lɛɛ kwɛaa la yɛ mo, hvo kɛ li mɛ̨nįi tii ə mo a nɛ̨ɛ̨mą, ya ɓə da Yálá kwəi mɛ̨nį hukulɔ mun tii kaa la a nui Yai-Laa ə dɔɔ kpɔ a neelee.»

Izikiɛ 33:33

Ɲələi, mɛ̨nįɠaai ə́ kaa moi, bɔ mɛ̨nį kaa pai kɛi la, ɛlɛɛ yaan di pɔ mɛ̨nį aa gbɛa kɛ; ɲələ ɓə da gili kɔ́lɔn na, diɛ kɛ Yálá kwəi mɛ̨nį hukulɔ mun da ə kɛ di lɔwai.»

Izikiɛ 38:23

Gáá pai mą́ą́wiɛ pələ da mąąhəɠə pələ tooi pɔ̨nɔ̨ ŋą di ɲɛ̨i; gɛ́ gɛ lɔi kpulu tamąą diɛ gɔ́lɔn. Da gili kɔ́lɔn dii, diɛ kɛ: Yai-Laa ɓaa a ɲą́ą́.»

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lonon mo 18:2

Ə́ nąn nonnii a Levi nu huwu, di həɠə diɛ kpɛli, ka diɛni kaa lɛɠɛ gɛɛnąą mąąhəɠɛɛ ɓa. Di kaa pai kɛi kpɔn ɉii yɛ́, diɛ ə́ yee mąąkpɛ, kɛlaa, yɛ́ ka ə́ lonnii ɓə pai kɛi tɔɔi gee kaa kələ lííla.

Lonon mo 18:21

«Levi lonnii di wɛi ka: Hɛn lɔpee pai hɔlɔɓoi Israɛlə lɔi hu, bow nąąi da gulɔ a Nįįhɔ̨nwɔ̨; yili ɓə gáá dɛɛi Levi lonnii pɔ a gee kaa kələ mąą kólóɠaai da gɛ mąą hvɛla.

Lonon mo 25:12

Yili mąą mɛ̨nį ɓa gɛ́ kwa yaa ku mįnɛ̨ həɠə, liilaa ə kɛ ku lɔwai.

Lonon mo 3:11

Yai-Laa yɛ nwɔ̨nɔ̨ Moisə ɓa:

Lonon mo 3:12

«Ɲą́ą́ gbinįi ɓə Levi lonnii həɠə Israɛlə lonnii lɔwai. Di kaa a Israɛlə lonnii lon ɉinąą dɔlɔɔɠaa mąąhvalin, nwɔ́ɔ́ ɓaa diɛ.

Lonon mo 3:45

«Levi nu huwu həɠə a Israɛlə lon ɉinąą dɔlɔɔɠaa mąąhvalin. Ə́ Levi nu huwu nwɔ taatɛlɛɛɠaai həɠə, a Israɛlə taatɛlɛɛ lon dɔlɔɔɠaa mąąhvalin, Levi huwu kaa a nwɔ́ɔ́. Ɲą́ą́ ɓə gáá a Yai-Laa.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.