Malasi 2:17 - Yálá laawoo hɛɓɛ (dc)

¹⁷ Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Yálá laawoo hɛɓɛ

¹⁷ Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Bible

¹⁷ Yâwɛɛ fíi kpɛɛ̂i a kálono woo. Kɛ́lɛ ka mò kâa, “Kwa víi-kpɛɛ-pêre kɛ̀ léŋ?” Ká mò kâa, “Yâwɛɛ a sɔnyɔ̂ŋ-ƃela kélee sìɣe a núu lɛ́lɛɛ. Tɔ̃yâ ma è díwɛli ní.” Kpaa máŋ kákɛ mò kâa, “Ŋ̀âlai kɔɔ nyii gáa a dɔ̃yâ Ɣalai?”

Malasi 2:17 ပူးပေါင်းရင်းမြစ်များ

Zôo 34:17

tələnmolaa ɲowo a mɔ̨ɔ̨ pɛli kɛ yɛnɛ̨ɛ̨ ɲąąwooɓoi? Tələnmomun ŋɛ̨i a Huwalawala Kəlee Nąmu, yɛ́ ɓə yá pɛli nɛi a hɔn mąą mun?

Zôo 34:36

Gáá kɛ bɔ di Ɉobə mąąnin gɛ, ə lɛɛ la ɉu, ə tɛ̨ą kaa, yɛ kɛ nwoo kaa yɛ mɛ̨nį ɲɔ̨n gɛ nuą woo.

Zôo 36:17

Kɛlaa, ə́ kaa túwɔ́i a túwɔ́ pələ ɲɔ̨n gulɔ mun dúwɔ́ pələ, yii pai kiti kalai yɛ́.

Zôo 9:24

Da lɔi tɛŋɛn gwɛlɛ ɓowo mun ma, Yálá a nɔi ti hu kiti tee nuą kili mɛ̨i pɛlɛ. A wala kɛ a yaa, gbɛɛ ɓə a pɛli yili kɛi?

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Azaya 1:14

Ka wɔ ɲąnįn dɔɔ nįnɛ̨ hɛli, da ka wɔ hɛliɠaa wɛli hvo mą́ą́, gəlee daa wiɛ mą́ą́. Vį́į́ aa kpɛɛ mu.

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 43:22

Ɉakɔbə, yili kulɔ ə́ wɔ kiliŋąhiɛ hu kpɔ tɛ̨ɛ̨ tɛ̨ɛ̨, yɛ́ hvəi də́li, ɛlɛɛ, Israɛlə, hvo kpɛli kpaan nɔpee da paa li, mą́ą́ mɛ̨nį hu.

Azaya 43:24

Tɛ̨ąą hvaa diɛ kɛ, ə́ kɛli hɛn gun nɛ̨ɛ̨ɠaa ya a ə́ yəi wali, yɛ́ di tɛɛ bɔ́, ɲą́ą́ hvə kɛi pilɛ a ə́ wɔ taatɛlɛɛ wulaaɠaai, gwa mo a mɔlɔ, yɛ́mun mə ə́ wɔ túwɔ́ pələ ɲɔ̨nŋąąi daa gɛ́ a ə́ wɔ luwɔ, yáá vį́ikpɛɛ a ə́ wɔ mɛ̨nį kalaai.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 17:15

Hvó di kaai diɛ kɛ mą́ą́: mįnɛ̨ ɓə Yai-Laa woo kaa laa? Nwoo pɔ mɛ̨nį ə kɛ kani wɛ!

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Izikiɛ 18:25

Yili ɓə ka tɔɔ, káá kɛ diɛ: Yai-Laa nwɔ pələi hvo haŋą li. Ka ka wəli tɔɔ Israɛlə nwɔ pɛlɛ́i mu nuą; ɲą́ą́ ɓə mɔ̨ɔ̨ nwɔ́ pələi hvo haŋą li, kɛlaa kaa mun mə ka wɔ pələɠaii di hvo haŋą li?

Izikiɛ 8:12

Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Amɔsə 2:13

Yili ɓa, gáá pai lɔi kpɛlin ɉi kaa kɔ́wɔ mu, yɛ bələi wotolo laahvɛɛ a gɛ la.

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Malasi 2:14

Ka kɛ mąąnįn kɛ kɛi, kaa kɛ mą: Lə mɛ̨nį ɓa, Yálá hvo kɛa bɔ? Mąąhɔlɔɓo, ká ká woo kwɛlɛ ka láŋą nɛ̨ɛ̨ ɓa, Yálá kaa a kɛla ká yaa ka lɔwai; Ya pa, yáá kpįnįi ɓə ɉəɠə ɉu, ə kɛ a ə́ nɛ̨ą, a ə́ hiɛ gee pulu. Kɛlaa ya ka, yáá vulu, yáá nɛɛ.

Malasi 3:8

Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.