Malasi 2:15 - Yálá laawoo hɛɓɛ (dc)

¹⁵ Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Yálá laawoo hɛɓɛ

¹⁵ Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Bible

¹⁵ Ɣâla fé kákɛ ní a kpono tɔ̂nɔ mɔ̂leŋ sârai? È nyíŋi kɛ̀ lé mɛni ma? È nyíŋi kɛ̀ a gɛɛ ká nîa-pɛlɛɛ sɔlɔ ƃó dí kɛ́ a Ɣâla ŋɔnûa. M̀ɛni ma ka ká-kpîŋ mɛi káa a gɛɛ ká ta fé ŋɔkono-têei kara ŋɔnɛnîi yêei.

Malasi 2:15 ပူးပေါင်းရင်းမြစ်များ

Zɛnɛse 1:27

Yálá ə nu pɛli Yálá kpinįi mąą nįnįn ɉu, ə hulɔnu da nɛ̨ɛ̨nu di pɛli.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zɛnɛse 24:44

Akɛ mą́ą́: «Ə́ kpələ! Gáá da haɠai ŋį́ dɛɛ ə́ wɔ ɲɔ̨nwɔ̨mɛ̨ɛ̨ɠaai pɔ di di kpələ», akɛtii, nɛ̨ɛ̨nui Yai-Laa aa gɛ a nwɔ́ mɛ́ni nąmu lon nɛ̨ą, yaa li.›

Zɛnɛse 27:46

Rebeka yɛ Isaakə ɓa: «Nón nɛ̨ąni hveelɛi ŋɛ̨i a Hɛtə nɛ̨ąą, daa yɛnɛ̨ɛ̨ hee ɉú. Ɉakɔbə yaa kpɛli a ɓɛ nɛ̨ɛ̨nu həɠə, nwɔ́ yɛnɛ̨ɛ̨ nwun və kɛa mą.»

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Ɛsdrasə 9:4

Nuąi kpɔ Israɛlə nwɔ Yálá mąą mɛ̨nį ə kɛi di lii kulɔ diɛ, di pa di hee gwɛ́lɛ, nuą tii həɠə nuwɔ laa hu, di wɔ nɛ̨ŋɛ̨nŋąą tii mąą mɛ̨nį ɓa. Ŋą́ lɛɛ kpɔ heeni nii kələn gwəi tii hu, ə lɛɛ ɉu, ɲələwulii haláá kulɔi lɔwai ə ɉəli.

Nehemi 13:24

Di lonnii bələ tɔ̨nɔ̨, Asdɔdə woo lɔ ɓə di kɛi mo, dɔ̨nɔ̨ kpɛli hvo kɛi Ɉuifə woo ɓo. Kɛlaa, hį́i takpɛliɠaa ɓə di kɛi di woo ɓo.

Zôo 27:3

Yii kpɔ gáá nii nɔ̨ɔ̨ ɉii, nɔ̨ɔ̨i Yálá ə doo ɉú, yii kpɔ gaa ni kulɔi ɉúnwɛi,

Lɛɛ gbɔwɔ ɓa 20:14

«'Hvó wɛli kɛ.

Hanwon 2:17

Nɛ̨ɛ̨nui aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą mą, hva too nwɔ hɛlɛn ŋą.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Hanwon 7:25

Ka hvo nɛɛ laa, nɛ̨ɛ̨nu taaləi tii hvo ka ɲąąhɛn, ka hvo həɠə pələ haŋąą mɛ̨i.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ɉeremi 2:21

Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Malasi 2:14

Ka kɛ mąąnįn kɛ kɛi, kaa kɛ mą: Lə mɛ̨nį ɓa, Yálá hvo kɛa bɔ? Mąąhɔlɔɓo, ká ká woo kwɛlɛ ka láŋą nɛ̨ɛ̨ ɓa, Yálá kaa a kɛla ká yaa ka lɔwai; Ya pa, yáá kpįnįi ɓə ɉəɠə ɉu, ə kɛ a ə́ nɛ̨ą, a ə́ hiɛ gee pulu. Kɛlaa ya ka, yáá vulu, yáá nɛɛ.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Ɉaan 20:22

Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Gɛlaɠaa 3:25

Ka káá a Yálá kwəi mɛ̨nį hukulɔ nuą lonnii, da mįnɛ̨i Yálá da ka nąnni di ɉəɠə ɉu lonnii. A ɲələi ə kɛ la Abrahamə ɓa: ‹Yɛnɛ̨ɛ̨ nu huwu kəlee kaa pai lúwɔ́ hɔlɔɓoi ə́ huwu háálai.›

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Korɛntə dɔlɔɔ 7:2

Kɛlaa, ə gɛ, túwɔ́ pələ ɲɔ̨n hvo kɛ, hulɔnu nɛ̨ą ə kɛ tanɔ̨n, ɛlɛɛ, nɛ̨ɛ̨nu ɉilɛ ə kɛ tanɔ̨n.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Taitɔ 1:6

Di tɛitɛi, di mąąnɛ̨ɛ̨i di kɛ a nuąi hɔn və diɛ, di ɓo a nɛ̨ą tanɔ̨n nąmu, di lonnii di ɓo a laa na nuą, di hvo di hɔn mo túwɔ́ pələ ɲɔ̨n mɛ̨nį ta lɔpee hu, di woo mɛ̨nŋąą.

Rutə 4:12

Yai-Laa ə nɛ̨ɛ̨nui ŋɛ̨i kwəi nwun, ə lon damąą kaa. Ə́i wɔ pɛlɛ́i kɛ yɛ ə́ kalá Pɛrɛsə, yai Ɉuda ə gaa Tamarə ɓa.»

Samuɛlə dɔlɔɔ 2:20

Eli ə kɛi lúwɔ́ too Ɛlkana da nɛ̨ą diɛ, yɛ kɛ diɛ: «Yai-Laa ə ə́ kɔ́ a nɛ̨ɛ̨nui ŋɛ̨i kwəi lon, ə kɛ a yii ka dɛɛ Yai-Laa pɔ a mąąhvalin.» Di pənə də li di pɔ taai.