Malasi 2:13 - Yálá laawoo hɛɓɛ (dc)

¹³ Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Yálá laawoo hɛɓɛ

¹³ Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Bible

¹³ M̀ɛnii dɔnɔ ká ŋí ka gɛ̂i. Ka Yâwɛɛ ŋɔtêƃelai yɔ́ɔ a káŋɛi-ya kákɛ wɔ̀lɔ, kpɛ́ni fêi, Ɣâla fé ŋɔ́nɔ ǹyée seêi kásama-sãai mu ka pâ la bɔ́i.

Malasi 2:13 ပူးပေါင်းရင်းမြစ်များ

Nehemi 5:1

Nąąlɔwai, nɔi lonnii di kɛ di woolaa kɛnɛ̨, di kaayɔwɔɠaa Ɉuifəɠaa yəi.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.