Malasi 1:4 - Yálá laawoo hɛɓɛ (dc)

⁴ Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Yálá laawoo hɛɓɛ

⁴ Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Bible

⁴ À kɛ̀ Isɔɔ ŋɔnûai Idɔŋ-ŋai da mò dîyɛɛ, “Da kútaa-ŋai wólo kɛ́lɛ kwa pâi dɔɔ̂i ŋɔ́nɔ pôlu,” gɛ̀ ní Yâwɛɛ a pâi zu toôi ǹyɛɛ, “Tɔɔ dí dɔɔ pôlu, ŋa pâi díwôloi ŋɔ́nɔ. Nûa da pâi dílɔii tôlii a ŋwana-lɔɔ lɔii, maa lɔii tí su-ƃelai ƃé Yâwɛɛ líi ŋwânaai dîa wɔ́lɔ-wɔlɔ da wɔ́lɔ-wɔlɔ.”

Malasi 1:4 ပူးပေါင်းရင်းမြစ်များ

Zôo 12:14

Hɛn Yálá a gala, hva kɛa pənə hvo tɔɔ. Nui a gbulɔn, hva kɛa lɛɛ gbɔwɔ ɓa laa hɔlɔɓo.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 34:10

nwɔ̨n tii hva luwun hvóló da kpinį; nulu kaa pai kɛi tɛi kpɛɛ hva kɛ mą, a lɛɛ a lɔi pun a kwɛlan gəlee, nu ta hva kɛa tɛɛ laa ɛlɛɛ la ɉu.

Azaya 34:5

Yai-Laa yɛ diɛ; nwɔ́ kɔ́ kɔ́ ɓɔwai aa pilɛ yələkɔlɔn ɉu pələ, gaa kɛa woloi Edɔmə ɓa, a nu huwui tii ŋį́ ɉukala mɛ̨nį gili tee gwə́i.

Ɉeremi 31:17

Yai-Laa woo ka, yɛ diɛ: Ə́ kilitɔɔi kaa mą, tínąą hvɛlaan; ə́ lonnii kaa pənəi di pa di pɔ lɔi, di kaa lɔi hu.

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 49:8

'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Izikiɛ 11:10

Ka káá pai haai a kɔ́ kɔ́ ɓɔwa laa pɔɔ, gáá pai ka kiti teei ɓɛ Israɛlə lɔi hu. Ɲələ ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 25:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ; gáá pɛlɛi Edɔmə ɓa, gɛ́ ɉu nuą da daatɛlɛɛɠaa kpɛɛ laa, gɛ́ gɛ a lɔi pun, ə həɠə Téma, ə həli Dedan. Nuą kaa pai haai a kɔ́ kɔ́ ɓɔwa laa pɔɔ.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Izikiɛ 26:14

Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Izikiɛ 35:4

gɛ́ ə́ wɔ taaɠaai kɛ a taa kpoloonŋaa; yɛ́ kpinįi yɛ́ kɛ a lɔi pun. Nąąlɔwai yá gbaɠala kaa, yɛ́ diɛ ɲą́ą́ ɓə gáá a Yai-Laa.

Izikiɛ 35:9

Ŋą́ ə́ kɛ a lɔi pun a yələ kəlee da nwɔɔ, ɛlɛɛ, nu ta hva kɛa hee ə wɔ taaɠaai hu. Nąąlɔwai ka gbaɠala kaa kaa diɛ ɲą́ą́ ɓə gáá a Yai-Laa.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Amɔsə 3:15

Vaŋą ɲɔ̨nwɔ̨ɔ̨ tɛɛ lɔwai, bɛlɛ́ɠaai da kɛ di nwun mąą kilɛi mu, ŋį́ gəlee wolo, ŋį́ di wɔ hvóló laa teɛ pɛlɛ́ɠaai wolo. Ŋą́ di wɔ hə́lə́ ɲįn bɛlɛ́ɠaai wolo, ŋį́ di wɔ pɛlɛ kpɛa kpɛai pu. Yai-Laa woo li.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Amɔsə 6:11

Ka gɛ a nɛlɛɛ, mąąhɔlɔɓo, mɛ̨nį Yai-Laa ə mo, ya ka: Bɛlɛ kɛnɛ̨ kaa pai pui, bɛlɛ logolo ə ɓɛla.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Abdiasə 1:1

Mɛ̨nįi Abdiasə ə gaa. Mɛ̨nįi Nąmu Yai-Laa ə mo yɛ hvilɛn na Edɔmə lɔi ɓa, ya ka, yɛ mą: Kwaa wɛlɛɛ ta mɛ̨n yɛ həɠə Yai-Laa pɔɔli, daa wɛlɛɛ ɓomun da tɔɔ hį́i takpɛliɠaa pɔ, nwɛlɛɛ ɓomun tii, ku nwoo mɛ̨n, yɛ kɛ mą: «Yai-Laa yɛ diɛ: ‹Ka ka muhəɠə! Ka gu gu muhəɠə! Ka gu kɔ́ pɛlɛ Edɔmə lɔi ɓa.›»

Abdiasə 1:10

Edɔmə nuą, ka kaayɔwɔɠaa ŋɛ̨i a Ɉakɔbə huwuhu nuą, kaa ɓə di mąą kpoloon, kaa daɠaa paa. Yili ɓa, nwumɛ̨ kaa pai tɛi a kaa, ka laa hvo kɛa pai lɛɛi lɔi mɛ̨i

Malasi 1:3

ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Maafîu 12:30

Nui kwa yaa ku hvo tɔɔ li, ɲówo li. Nui hvo kpɔn ɉii mą́ą́ ku hvo nuą ɲąąkpɔn, gaa di hutaɠai.