Malasi 1:2 - Yálá laawoo hɛɓɛ (dc)

² Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Yálá laawoo hɛɓɛ

² Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Bible

² Yâwɛɛ è mò ŋɔnûai dîa ǹyɛɛi, “Ŋá káwɛlini a tãi kélee.” Kɛ́lɛ dí zu tòo dîyɛɛi, “Ya íwɛli kɛ́ maa lɛ́ léŋ kûa?” Yâwɛɛ è zu tòo ǹyɛɛi “Isɔɔ da Zeeka dí kɛ̀ a lee-kaa tɔnɔ, kɛ́lɛ ŋá Zeeka wɛ́lini da ŋɔkáayɔɔ-ŋai

Malasi 1:2 ပူးပေါင်းရင်းမြစ်များ

Zɛnɛse 25:23

Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Zɛnɛse 25:25

Dɔlɔɔ tii pa, gɔlɔ ɓa ləɠa kulaa kɛ, mukpɔluɔ yɛ huwɔ ləɠa; di naa hee a Esau.

Zɛnɛse 25:26

Yili pulu, nəɠə ə lɛɛ nąą pɔɔ ɓa, aa niɛ hon a donwo, di yili laa hee a Ɉakɔbə. Isaakə kaa kwɛlan ə kɛ a kwɛlan bow mɛ̨ida, nɛ̨ą yɛ ɲonŋąąi tii kaa.

Zɛnɛse 27:33

Isaakə kwəi ə pili mą kpɔ kɛnɛ̨, nąą kəlee yɛ kpɛlin, ə pənə ə mąąnikɛ, yɛ mą: «Kɛtii, gbɛɛ ɓə kan paa a gɔ́nɔ̨n, yai ŋį́ mįi kpɔlɔ yɛ́ lɔ? Núwɔ́i kɛ ná, ŋą́ą́ gbɛa doo mą, nwɔɔ li kɛa.»

Zɛnɛse 48:4

Yɛ mą́ą́: ‹Gáá pai ə́ kwəi nwun ɉii, ə́ huwu ə ɓɛlɛ, ŋį́ ə́ kɛ a nu kpulu kɛnɛ̨. Nɔi ŋɛ̨i ə́ kaa ɉu ɓɛi, gáá pai dɛɛi ə́ huwu pɔ a nwɔɔ a yələ kəlee mɛ̨nį.›

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Tɔɔɓɛlaa veelɛ 3:8

Yɛ nwɔ̨nɔ̨ mą, bələ lə kɛɛ ɓə gu tɛɛi la?» Yili yɛ mą: «Edɔmə nɔi pun ɉu pələ ɓə gu kaa tɛɛi la.»

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Lukə 10:29

Kɛlaa, dɔ́n galamɔ̨ɔ̨ tii ə kɛ bɔ ə gbɔwɔ lɛ yɛ nu haŋąa, ə Jesus mąąni kɛ nwɔ̨nɔ̨ yɛ mą: «Gbɛɛ ɓə gaa a ɉéé yɔwɔ?»

Ɉaan 15:12

Nwɔ́ tíɓoi ka: 'Ka ka kee wɛli la kɛ yɛ bələi ŋį́ ka wɛli la kɛ la.

Dutɛrɔnome 10:15

Yaan, ka nąnni lɔ ɓə Yai-Laa ə kanąn diɛ, yɛ di wɛli la kɛ, ɛlɛɛ, haai di mo, di huwu lɔ ɓə ə ɉəɠə ɉu a niiɓa nu huwu, nu huwuɠaa kəlee lɔwai, ya ɓaa kaa; yɛ bələi gu kaa gaai la háákələi.

Dutɛrɔnome 23:5

Mąąhɔlɔɓo, di hvo gɛ di hvo ka laakwiɛn a kɔ̨nɔ̨n da kpələyá, ka kɛ ɉiɛ pələi kaa həɠə Eziptə lɔi hu. Ɛlɛɛ, mąąhɔlɔɓo, Moabə nuą di lɔ Beɔrə lon Balaamə kilii ə gɛ, ə ka nɛ̨ŋɛ̨n naa. Di Balaamə təli ə həɠə Petɔrə Aramə ɲalee hveelɛ lɔwai.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.