Mąątɛ̨nɛ̨ 98:1 - Yálá laawoo hɛɓɛ (dc)

¹ Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Yálá laawoo hɛɓɛ

¹ Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Bible

¹ Ka wule nina too Yâwɛɛ ma, kpɛ́ni fêi, gɛ́ mɛni kpaya-kpayai. A ŋɔkpɔara-ƃelai yée mɛi ɣále a ŋɔwála-wala-laa maa-waai da ŋɔkponoi kpânaŋ.

Mąątɛ̨nɛ̨ 98:1 ပူးပေါင်းရင်းမြစ်များ

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Mąątɛ̨nɛ̨ 105:5

'Ka ka kiliŋąhiɛ gbalo mɛ̨nįɠaai Ə gɛ diɛ, da gwɛlɛɛin mɛ̨nįɠaai ə kɛi gɛ, da gití wooɠaai kɛi kulɔ na.

Mąątɛ̨nɛ̨ 136:4

Yaa tɔ̨nɔ̨ lɔ ɓə a mɛ̨nį ɲɛ̨i kpɛa kpɛa kɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 139:14

Váái kpɔ tii mą, gɛ́ kɛ diɛ: Bɛ́li pələ kaa a yɛlɛ ə́ yəi, a kwəi pilimąą kɛnɛ̨ɛ̨, Ə́ kɛ mɛ̨nįɠaa da nu kwəi pilimą! Gaa kpɔ tii a tɛ̨ą, ŋą́ą́ yili kpaɠala kɔlɔn.

Mąątɛ̨nɛ̨ 149:1

'Kánikookwəi! 'Ka wələ nįnɛ̨ too Yai-Laa ɓa! 'Ka mąątɛ̨nɛ̨ nwɔ nuąi di wɔ ɲąąkpɔn ɉu!

Mąątɛ̨nɛ̨ 33:3

'Ka wələ nįnɛ̨ too mą, 'ka mąątɛ̨nɛ̨ a hvɛli, 'ká gɛ kpɔ a ka nwąnąi.

Mąątɛ̨nɛ̨ 72:18

Mąąwiɛ ə kɛ Yai-Laa Israɛlə nwɔ Yálái ɓa; yaa tɔ̨nɔ̨ lɔ ɓə a kpalo mɛ̨nį kɛ.

Mąątɛ̨nɛ̨ 77:14

Yálá, ə́ wɔ pələi kaa lɔ a mɛ̨nį mąąhəɠɛɛ, yálá ləi kpɔ ɓə gɛnɛ̨ yɛ Yálá?

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Mąątɛ̨nɛ̨ 89:14

Yee wala-walalaa, yee kɔ̨nwɔ̨n vąŋą kɛnɛ̨ɛ̨, ɓa-mįi-yee kɔ̨nwɔ̨n, Yɛ́ ɓə ə́ wɔɔ ɓaa diɛ.

Mąątɛ̨nɛ̨ 96:1

'Ka wələ ninɛ̨ too Yai-Laa ɓa! Yɛnɛ̨ɛ̨ kəlee, 'ka wələ too Yai-Laa ɓa!

Mąątɛ̨nɛ̨ 96:3

'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Azaya 12:5

'Ka Yai-Laa Laa too a wələ, mąąhɔlɔɓo, aa mɛ̨nį ɲɛ̨i kɛnɛ̨ɛɠaa kɛ guɔ, 'ka ɉukulɔ lɔi nąą kəlee.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 63:5

Ŋą́ ɲɛ̨i laa, və́ mą́ą́ kpɔn mąąɓomun gaa! Ŋį́ nwóó laa, nu hvo tɔɔ búlú. Yili ɓa, ɲéé lɔ ɓə kɛa mą́ą́ kɔ̨nwɔ̨, ɛlɛɛ, nwɔ́ líiholi lɔ ɓə tɔɔ búlú.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Lukə 1:49

Mąąhɔlɔɓo, Huwalawala Kəlee Ną́mu Yálá aa hvaa mą, aa mɛ̨inɛ̨ɛ̨ kɛnɛ̨ kɛ mą́ą́; Naa ɓaa a: Yálá hvulú.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 19:20

Bələ ɓə gu Ną́mu la woo hu ə kɛli kɛnɛ̨ la, vaŋą yɛ tɛ.

Gɛlaɠaa 2:11

daɠaa kaa a Ɉuifəɠaa, daɠaa diɛ ɓo a nuąi lɔ Ɉuifəɠaa di wɔ kalan hu, nu taɠaa di həɠə Krɛtə da Arabə, kɛlaa ə mą kɛ ti, nu kəlee kaa Yálá kɛ mɛ̨nįɠaa mɛ̨n ɉii a bɔ taai woo.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 6:2

Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.