Mąątɛ̨nɛ̨ 97:7 - Yálá laawoo hɛɓɛ (dc)

⁷ «Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Yálá laawoo hɛɓɛ

⁷ «Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Bible

⁷ Diai kélee da sãâ pɔkɔɔŋ-ŋa fɛ̀lii, da pâi ŋumɛ̂i. Ŋ̀âla da kpɛ́ni-ŋai da pâi pûi Yâwɛɛ kɔ́ɔ mu.

Mąątɛ̨nɛ̨ 97:7 ပူးပေါင်းရင်းမြစ်များ

Kɔlɔnikɔ Veerɛi 3:13

Malakaɠaa tii koon ɉeɛ giila, ə kɛ a yeelaamą pow hveelɛ, di kɛ tɔɔni di kɔ́wɔ mɛ̨i, di ɲɛ̨i hiɛ bɛlɛ́n bələ.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 25:20

Malakaɠaa koon ə kɛ a ɉaŋąą dɔɔ di mɛ̨i, diɛ di koonŋąą pɛlɛ gəhi laa kalan mɛ̨i; da kɛ a di tɔɔ di kee tənən ma, di ɲɛ̨i heɛ gəhi laa kalan mɛ̨i.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Azaya 45:16

Diɛ ka, di ɲąą kpɔnŋąą, daa nwumɛ̨, lalan aa di ɲɛ̨i paa, gaa kpɔ tii, diɛ ka lii, lalan a di ɲɛ̨i paa kpɔ kɔlɔ́-kɔlɔ́, a ɉali pɛli nuą tii.

Ɉeremi 10:14

Nu kəlee daa tɔɔ lɔ tupɛɛ, di hva mɛ̨nį ta ɲąą kaa, diɛ nwumɛ̨ di wɔ haliɠaai di bɛli mąą mɛ̨nį ɓa. Ɉɛn mąąnįnįnŋaa tii kaa a lɛɛ, di nɔ̨ɔ̨ hvo di hu.

Ɉeremi 2:26

Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Dutɛrɔnome 5:8

«'Ka hvo hɛn da kpɛli mąą nįnįn bɛli, a hɛn ɲii da kwɛli hvilɛn mą, a hɛn lɔpee ta, yii gulaa yələkɔlɔn ɉu hɛn da ɓa, ə mą kɛ a lɔi mɛ̨i hɛn da, a wala kɛ tii yái hɛn da.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Samuɛlə dɔlɔɔ 5:3

Mąą yələ laaɓoɔ, yələ wala pɔ, Asdɔdə nuą di di ɲįnąąɓo, di Dagɔn kaa bɛlɛɛ niiɓa Yai-Laa nwɔ mįnɛ̨ kəhii lííla. Di ɉaŋą di dɔɔ.