Mąątɛ̨nɛ̨ 95:3 - Yálá laawoo hɛɓɛ (dc)

³ Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Yálá laawoo hɛɓɛ

³ Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Bible

³ Yâwɛɛ káa a Ɣâla kɛ́tɛ, gɛ́ ƃò a Kâloŋ kɛ́tɛ ŋ̀âla-ŋai kélee mɛi.

Mąątɛ̨nɛ̨ 95:3 ပူးပေါင်းရင်းမြစ်များ

Nehemi 8:6

Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 135:5

A tɛ̨ą, gbaɠala kaa tii mą́ą́, Yai-Laa kɛ̨nɛ̨i, ku Nąmu yee tɛɛi yáláɠaa kəlee diɛ.

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

Mąątɛ̨nɛ̨ 47:3

Mąąhɔlɔɓo Yai-Laa, Hɛn gəlee mɛ̨i mun, mąą ɲɔwuɔ ɓə, yaa ɓə a Heeɓomun gɛnɛ̨, lɔi nąą kəlee mɛ̨i.

Mąątɛ̨nɛ̨ 96:4

Mąąhɔlɔɓo, Yai-Laa kɛ̨nɛ̨i, Mąąwiɛ kaa a nwɔɔ. Ɲɛ̨i mąąɲɔwuɔi, gɛnɛ̨ yáláɠaa kəlee diɛ.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Ɉeremi 48:15

Moabə hukala mun gaa tɛi a kɔ́, yɛ pɛlɛ nwɔ taaɠaa diɛ. Ɉu hilɛlɛa li hiɛ ka tii paa ɓo kɛɛnąą. Dɔɔmun naa ɓaa Yai-Laa Mɛ̨nį Kəlee ŋą Hééɓomun, nwoo li!

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Maafîu 5:35

Ka hvo ka kwɛla a lɔi, mąąhɔlɔɓo, Yálá kɔ́wɔ hvilɛn ɉii li. A wala kɛ tii, ka hvo ka kwɛla a Ɉerusalɛmə taa, mąąhɔlɔɓo, Yálá nwɔ taalee kɛnɛ̨ li.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.