Mąątɛ̨nɛ̨ 90:10 - Yálá laawoo hɛɓɛ (dc)

¹⁰ Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Yálá laawoo hɛɓɛ

¹⁰ Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Bible

¹⁰ Núu-kpune ŋɔkɛ-ɣeniɛi káa nɔ́ a kóraŋ buu lɔ́ɔlu mɛi feerɛ. Ǹúui gbonôi kpanaŋɔɔ̂i a pɔ̂ri kɛ̂i ɣele ma a kóraŋ buu lɔ́ɔlu mɛi saaƃa. Kɛ́lɛ maa kɛ́ naai káa nɔ́ a mɛni kpɔ̂lu támaa da mɛni sôli ŋánaa m̀aa-nuui ma. Ǹaa à kɛ̀ tí, kwa liî saa táa a maa félaa.

Mąątɛ̨nɛ̨ 90:10 ပူးပေါင်းရင်းမြစ်များ

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Samia Veerɛi 19:35

Barzilai yɛ tɔɔmun Davidə ɓa: «Kwɛlan ɲɛli kpɔ ɓə kɛa aa lɛɛ ɲə́i ɓɛ yɛnɛ̨ɛ̨-oo, yaai kwa tɔɔmun kwa həɠə kuɔ li Ɉerusalɛmə daai!

Samia Veerɛi 19:36

Yii hui ŋɛ̨i, gáá kwɛlan gaa pow mɛ̨ihaaɓa, vá kɛa pɛli hɛn nɛlɛɛ da hɛn ɲɔ̨nɔɔ di kulɔ ɉu kɛi. Tɔɔmun! Ə́ wɔ tímun hva kɛa pɛli naa mįi hɛn da gbələ hɛn nɛɛ mɛ̨nį gulɔ ɉu kɛi. Vá kɛa pɛli wələ woo hukulaa kaai, lə mɛ̨nį ɓa, ŋą́ pɛli nwɔ̨nɔ̨ lii gɛ́ kɛ a tiɛ̨ nwɔ́ mɛ̨nį nąmu tɔɔmun nwuɔ̨?

Tɔɔɓɛlaa dɔlɔɔ 1:1

Tɔɔmun Davidə pɔlɔɔi kpɔ kɛa kɛ a mɔlɔɔ; di mą kpɛli kɛ yíihəɠə tamąą pɛlɛ mɛ̨i, yili hvo kɛi kwɛlɛ kpɛ mą.

Zôo 14:10

Kɛlaa, nu kan nwɛi a haa, a lɛɛ lɔ ti, nu a haa, di hva gɛi kaa.

Zôo 20:8

Gaa pai kpɛɛi lɔ nuą ɲɛ̨i yɛ hį́i mɛ̨nį, Gbɛɛ ɓə kɛa pai ɲɛ̨i tɔɔi mą, gaa pai kɛi lii yɛ nu a kɛi hį́i kaa a kpinįi.

Zôo 24:24

Di wɛi, da di muhəɠə a lɔwai ta, yili pulu di lɔ lɔ ti. Yili pulu, naa ə tɔɔ tin yɛ da mɔ̨nun dee.»

Zôo 5:7

Ee! Di nu kaa lɔ mɔ̨nɔ̨ mįi mɛ̨nį ɓa, yɛ bələi nwɔ̨n gbalən a kulɔ la mɛ̨nį kala mɛ̨nį ɓa.

Mąątɛ̨nɛ̨ 78:39

gili ə ɓo ɉu yɛ kɛ, di kaa lɔ a nu kanŋaa, a pɔ́lɔ, a hvaŋąi lɔ a tɛɛ ə li, ə kɛ a niɛ kəlee.

Azaya 38:12

Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.

Levetekɔ 27:7

«Hulɔnui gaa kwɛlan a tɛɛ pow mɛ̨ida ɓa, wali kwələ pow kɔ́w lɔɔli, nɛ̨ɛ̨nu nwɛi, wali kwələ pow.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Dutɛrɔnome 34:7

Moisə kaa kwɛlan ə kɛ a: kwɛlan nwun dɔ̨nɔ̨ ɲee hveelɛ ɓɛlɔwai ə haa la. Ɲɛi kɔ́w ə lɛɛ kpɔ a nɛlɛɛ, yɛ pɛli yee lɔi haliɛn nwoloi, ɉu ə lɛɛ a nwalawalaa, yɛ haa.

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Zasua 14:11

Yii laa hu, váŋą kɛnɛ̨i lɔ ni yɛ ɓɛlɔwai Moisə ə dɔ́ɔ́ la ɉiɛ ɓa. Váŋą kaa lɔ yiihu yɛ yii kɛ ɲə́i, gɛ́ pɛli kɔ́ kɔ́i la, gɛ́ dɔ́ɔ́i mąąkɔ̨nwɔ̨.