Mąątɛ̨nɛ̨ 9:2 - Yálá laawoo hɛɓɛ (dc)

² Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Yálá laawoo hɛɓɛ

² Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Bible

² Ŋa pâi wule toôi ya a lii-nɛ̃ɛ pere. Ŋ̀âla Kɛ́tɛi, ŋa pâi ílaa ma tɛ̂i wule-woo su.

Mąątɛ̨nɛ̨ 9:2 ပူးပေါင်းရင်းမြစ်များ

Mąątɛ̨nɛ̨ 138:1

Davidə nwɔ wələ woo. Gáá ə́ laa tɛi a níi kəlee, gáá ə́ laa tooi a wələ haliɠaa ɲɛ̨i ɓa.

Mąątɛ̨nɛ̨ 26:7

Gɛ́ ə́ hɛɠɛɛɓo wələ too, gɛ́ ə́ kɛ mɛ̨nį ɲɛ̨i kɛnɛ̨ɛ̨ɠaa hu kulɔ.

Mąątɛ̨nɛ̨ 27:6

Yiihu kɛa, ɲɛ̨́i aa tɛɠɛɓo ɲówóɠaa hu, diɛi tii daa mą́ą́tinɛ̨n daa doo gee hui, ŋą́ pɛli ɉɛɠɛɛɓo halááɠaa kulɔi ɲəi bɛlɛ́n; gɛ́ Yai-Laa mąąwiɛ wələ too.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Mąątɛ̨nɛ̨ 5:11

Yálá, 'di hon di hɔn tii ɓa! 'Di nwun nɛɛ di wɔ nwundɔɔ ɲɔ̨nwɔ̨ɔ̨ɠaai hu! Di wɔ túwɔpələ ɲɔ̨n damą pələi tii, da di nwun dɛ pələ ə́ pɔ, 'di kpɛ.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Mąątɛ̨nɛ̨ 86:12

Nwɔ́ mɛ̨nį Nąmu, nwɔ́ Yálá, gáá bɔ ŋį́ ə́ laa tɛ gwə́i tɔ̨nɔ̨ mɛ̨i, gɛ́ ə́ laa mąąwiɛ wələ too a yələ kəlee.

Mąątɛ̨nɛ̨ 92:1

Mąątɛ̨nɛ̨ wələ. A wələi da doo a túwɔ́ yələ.

Mąątɛ̨nɛ̨ 92:4

diɛ doo a wələ, bɛlɛgwəi, gwɛnįn, da kɛɛ di ɓo mu.

Mąątɛ̨nɛ̨ 96:3

'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Mąątɛ̨nɛ̨ 97:12

Tələnmo nuą, 'ka kwəinɛ̨ɛ̨ kulɔ, Yai-Laa mąą mɛ̨nį ɓa, 'ka Naa tɛ, 'kaa nwɔ mąąhəɠəlaa kili too ka ŋą.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.