Mąątɛ̨nɛ̨ 9:13 - Yálá laawoo hɛɓɛ (dc)

¹³ Ɲąmą kwələ kulɔmun ni, giliɲąlaa, hva lɛ̨ą mąąwɛlimun domą woo ɓa.

Yálá laawoo hɛɓɛ

¹³ Ɲąmą kwələ kulɔmun ni, giliɲąlaa, hva lɛ̨ą mąąwɛlimun domą woo ɓa.

Bible

¹³ Óo Yâwɛɛ, ḿalôŋ káa. Gáa berei ŋa mɔ̃lɛ̂i la ŋ́gbɔara-ƃelai yêei. Óo Yâwɛɛ, ŋ́gula mî saa yêei.

Mąątɛ̨nɛ̨ 9:13 ပူးပေါင်းရင်းမြစ်များ

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Zɛnɛse 4:9

Yai-Laa ə Kain mąąnikɛ, yɛ mą: «Ə́ ləɠə Abɛlə kaa mį?» Kain yɛ mą: «Və́ gɛi kɔ́lɔn! Akɛtii, ɲą́ą́ ɓə a nə́ɠə mɛ̨i kaa mun?»

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Tɔɔɓɛlaa veelɛ 9:26

Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Mąątɛ̨nɛ̨ 10:12

Yai-Laa! Ee Yálá! 'Haŋą ə́ tɔɔ; Ə́ yee haŋą, ə́ ə́ kɛ mɛ̨nį kɛ, 'hvó lɛ̨ą mąąwɛli nuą diɛ.

Mąątɛ̨nɛ̨ 107:18

di wɔ túwɔ́ pələ ɲɔ̨nŋaa daa kɛ di kulɔ di wului, kɔ̨nɔ̨n gəlee kun aa hee di hu, di ɓo haa wolo la.

Mąątɛ̨nɛ̨ 119:132

Ə́ ɲɛ̨i lɛlɛɛ hee mą́ą́, ə́ mą́ą́ hvaalɛɛ, nuąi ə́ laa wɛli kaa diɛ, bələ ɓə mąąnɛ̨ɛ̨ ə́ di hon na.

Mąątɛ̨nɛ̨ 119:153

Nwɔ́ mɔ̨nɔ̨i kaa, ə́ gúlɔ ɉu, hvó gaai, və́ lɛ̨ą li ə́ wɔ tɔn nwooi ɓa.

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Mąątɛ̨nɛ̨ 13:3

Níí yɛ kələn gwə́i ə lɛɛ ɉu mįnɛ̨ lɔwai ə həli la? Ŋį́ ɓo lɔ mɔ̨nɔ̨ hu, a yələ kəlee? Ɲówo yee kaa pai lɛɛi a dɛɛ mą́ą́, ə lɛɛ ɉu lə yələ ə ɉəli?

Mąątɛ̨nɛ̨ 142:6

Gáá tómąi ə́ pɔ pələ, Yai-Laa! Gɛ́ diɛ: «Yɛ́ lɔ ɓaa mą́ą́kilɛi, yɛ́ lɔ ɓə, gwa yɛ́ gu tɔɔ nɔi ŋɛ̨i mɛ̨i!»

Mąątɛ̨nɛ̨ 25:19

Ɲówóɠaa tamą pələ kaa! Nwɛlikpɛɛmąąlaai di gulɔi a ɲą́ą́, da nwąnąlɔ túwɔ́i di moi a ɲą́ą́i, Ə́ nąą kaa!

Mąątɛ̨nɛ̨ 30:3

Yai-Laa nwɔ́ Yálá! Ŋą́ tomą ə́ pɔ pələ, yɛ́ ɓə málo.

Mąątɛ̨nɛ̨ 38:19

A tɛ̨ą, ŋą́ą́ ɉɔ́n gɛ, gɛ́ nɛ̨ŋɛ̨n mąą liihɛlɛn aa too mą́ą́.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 56:13

Yálá, mɛ̨nįɠaai ŋį́ di laakwɛlanmo, gbáán ŋąąi di yəi, gáá ə́ mąątɛ̨nɛ̨ halááɠaa kulɔi.

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

Azaya 38:10

Ŋą́ kɛi kɛ diɛ: «Ŋą́ą́ lɛɛ kpɔlɔ həlii nwɔ́ yɛnɛ̨ɛ̨ ɲąą nɛ̨ɛ̨ ɓa, gɛ́ li! Gɛ́ lii haa nuą pɔtaai, gɛ́ kɛa pa lɛɛi laa, gɛ́ nwɔ́ kwɛlan gbəli kɛ laa!

Woolaa 1:11

Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Ɉaan 2:6

Muluun mɛ̨ida ə kɛ laa, diɛ ɓo a kwɛni yii Ɉuifəɠaa di kɛi di mąą waa ya pu ɉu yɛ pələi di wɔ tɔ́n mąą liɛwoo kaa la. Muluunŋąą tii dɔ̨nɔ̨ da pɛli di tuku nąąn a wala kɛ tii tuku mɛ̨ida pu ɉu.