Mąątɛ̨nɛ̨ 85:4 - Yálá laawoo hɛɓɛ (dc)

⁴ Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Yálá laawoo hɛɓɛ

⁴ Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Bible

⁴ Óo Ɣâla, pá a kûa pôlu. Yá ƃa kúŋuŋ ma ƃó-nuui. Ílii fé tòo pôlu kúmɛni ma!

Mąątɛ̨nɛ̨ 85:4 ပူးပေါင်းရင်းမြစ်များ

Mąątɛ̨nɛ̨ 25:2

Nwɔ́ Yálá, yɛ́ ɓə gílitɔɔ ɓə yɛ́! Hvó ɲɛ̨́i hvala! Ɲówóɠaa di hvo pa hee mɛ̨́i!

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 80:19

A kɛ kɛa tii, ku hva ku mąąkwɛa yɛ́ a yələ ta; 'ku laahɔnmo yɛnɛ̨ɛ̨, akɛti kwa ə́ təli a ə́ laa.

Mąątɛ̨nɛ̨ 80:3

Ə́ wɔ kuláálaai ə muhəɠə, ə tɔɔ, Ɛfraimə, Bɛnɉamɛn da Manase di tɔwɔ, 'pa ə́ ku ɓalo.

Mąątɛ̨nɛ̨ 80:7

Ku kwɛlɛ nuą diɛ di kwəi kwɛli ku mąą mɛ̨nį hu, ku yowoɠaa diɛ yɛlɛ kulɔi ku hu kpɔ a nelee.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Woolaa 5:21

Yai-Laa! Pələ laa ɓo ku tɔwɔ, ku pa ə́ pɔ. Pənə ə́ kuɔ yɛnɛ̨ɛ̨i pu nįnɛ̨ kɔ́lɔi, yɛ bələi ə kɛ la a tɔlɔɔ-tɔlɔɔ yələ.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Zasua 7:26

Gwɛni hįį kɛnɛ̨ɛ̨ tii di dɔɔ di mɛ̨i, gaa lɔ nii laa háákələi. Yili ɓə gɛ Yai-Laa nwɔ liiɲąnwąną ɲąą ə yɛɛ. Mɛ̨nįi gɛ di gɛɛnąąi tii laa hee a Akɔrə ɓoloon ɉu yaa li. Háá ɓaa háá, naai tii ɓə mą.