Mąątɛ̨nɛ̨ 84:9 - Yálá laawoo hɛɓɛ (dc)

⁹ Yai-Laa Mɛ̨nį Kəlee ŋą Hééɓomun Yálá, Ə́ hvɛlii gáá moi, 'Ə́ wəli tɔɔ mą. Ɉakɔbə nwɔ Yálá, 'Ə́ wəli tɔɔ kpɔ a nɛlɛɛ.

Yálá laawoo hɛɓɛ

⁹ Yai-Laa Mɛ̨nį Kəlee ŋą Hééɓomun Yálá, Ə́ hvɛlii gáá moi, 'Ə́ wəli tɔɔ mą. Ɉakɔbə nwɔ Yálá, 'Ə́ wəli tɔɔ kpɔ a nɛlɛɛ.

Bible

⁹ Óo Ɣâla, yá ƃa kúmaa kɔ̃ɔ nuui. Gâloŋ í zìɣe zui, lûwa láa ma.

Mąątɛ̨nɛ̨ 84:9 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Samia Veerɛi 23:1

Ɉɛse lon Davidə woo gbəlan mąą ka: Nui heeni dɔɔ kpəlin ɉu, nwoo li; Nui Ɉakɔbə nwɔ Yálá ə mąątí, Yaai Israɛlə nuą da naa too a wələ,

Kɔlɔnikɔ Veerɛi 6:42

Ną́mu Yálá, 'hvo Ə́ ɲɛ̨i həɠə Ə́ liiɓa mun ɲɛ̨i Ə́ ɉəɠə ɉu, yai ɲɛ̨i Ə́ mąąwiɛi mą, 'Ə́ Kili hvilɛn vɛli wooɠaai kpɔ Yɛ́ tímun Davidə ə kɛli mo Yɛ́ mą.»

Mąątɛ̨nɛ̨ 132:17

Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Mąątɛ̨nɛ̨ 17:1

Davidə nwɔ Yálá hvɛli woo. Yai-Laa! Ə́ wəli tɔɔ, gáá wɔlɔi yɛ́; mɛ̨nįi gáá ɉuhvɛli yɛ́, ə́ wəli tɔɔ mą, ə́ wəli laa ɓo nwɔ́ hvɛli woo tɔwɔ; lɛɛ woo hvo ná.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 3:3

Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!»

Mąątɛ̨nɛ̨ 59:11

Tələnmo Yálá ka tii pai náákwiɛn ɉi, A Yálái a gɛ gɛ́ gɔ́n gbɛlaan a mą́ą́hɛnŋį nuą.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Samuɛlə dɔlɔɔ 16:6

Ɓɛlɔwai yililɠaa di kɛi paa la, Samuɛlə ə Eliavə kaa, ə mo gwəi pələ yɛ mą: «Nui Yai-Laa aa ɉəɠə, ya ka ŋɛ̨i kiɛ.»

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.