Mąątɛ̨nɛ̨ 81:5 - Yálá laawoo hɛɓɛ (dc)

⁵ Israɛlə yíi pələ li, Ɉakɔbə nwɔ Yálá ɓə gu tí la.

Yálá laawoo hɛɓɛ

⁵ Israɛlə yíi pələ li, Ɉakɔbə nwɔ Yálá ɓə gu tí la.

Bible

⁵ È m̀o dîa a gɛɛ dí dɔ̂ŋ ŋí mɛi káa tãi è díkùla la Ize lɔii sui. Ŋá wóo sîi da m̀ɛni nyii fé táreni zu ǹyɛɛ ḿâi,

Mąątɛ̨nɛ̨ 81:5 ပူးပေါင်းရင်းမြစ်များ

Mąątɛ̨nɛ̨ 114:1

Ɓɛlɔwai Israɛlə ə kulɔ laa Eziptə, ɲələi Ɉakɔbə lonnii di kulɔ la nwɛ̨ąą tii lɔwai;

Mąątɛ̨nɛ̨ 77:15

Yɛ́ ɓə a kpalo mɛ̨nįɠaa kɛ Yálá, Ə́ ə́ wɔ huwala walalaai lɛ nuą diɛ.

Mąątɛ̨nɛ̨ 78:6

Nuąi pai lɛɛi di pulu, a lonŋaai di kaa pa gaai, di kaa pai di muhəɠə kɛa diɛ kpɛli diɛ yili lɛ di wɔ lonnii diɛ.

Lɛɛ gbɔwɔ ɓa 11:4

Moisə yɛ mą: «Yai-Laa woo ka, yɛ diɛ: ‹Kwiihɛ̨ą, gaa pai tɛɛi Eziptə lɔi hu nąą kəlee.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Azaya 28:11

Bələ ɓə gɛ pələ kaa la, yili kaa a yɛlɛ kulɔ ɉu woo, yili kaa a nwɛ̨ą woo, nwooi yili ɓə Ną́mu kaa pai hvaai ɉu nu huwui ŋɛ̨i pɔ.

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.