Mąątɛ̨nɛ̨ 81:3 - Yálá laawoo hɛɓɛ (dc)

³ 'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Yálá laawoo hɛɓɛ

³ 'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Bible

³ Ka túru fɛ́ɛ gúu kɛ́tɛi su bɛ́mɛlɛ̂ŋ kaoi a tɔ̀ɔ a nina da tãi ǹá a fɛ̂ɛ lai.

Mąątɛ̨nɛ̨ 81:3 ပူးပေါင်းရင်းမြစ်များ

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 15:19

Nwələ too nuą lɔwai, Heman, Asafə da Etan ɓə lalo ə kɛ di yəi a ɓala kwɛli diɛ ɲɔw;

Kɔlɔnikɔ Maa-ŋuŋ 15:24

ə mą kɛ bɛlɛ́ laalei mąąkpɛ nuąi kɛ a Ovɛdə-Edomə da Yehia. Yii ɓaa ɉaláá laahəli nuąi kɛ a; Sevaniahu, Yosafatə, Netanɛlə, Amasai, Zakaria, Benayahu da Eliezɛrə, di mąąnɛ̨ɛ̨ kɛ diɛ túlú hvɛɛ Yálá nwɔ mįnɛ̨ kəhii tɔwɔ.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 16:6

Ɉaláá laa həli nuą: Benayahu, da Yahaziɛlə diɛ ɓə kɛi dulu hvɛɛ Yálá nwɔ mįnɛ̨ kəhi tɔwɔ.

Kɔlɔnikɔ Maa-ŋuŋ 25:1

Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 13:14

Ɉuda nuą diɛ di kaa tinɛ̨n ɉii, kɔ́ aa hee diɛ pulu pələ da dɔwɔ pələ. Di nɛɛ mą di tómą Yai-Laa pɔ pələ, ɉaláá laa həli nuą diɛ duluɠaa hvɛɛ.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 33:2

'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Mąątɛ̨nɛ̨ 98:6

'Ka túlú hvɛ́ɛ́, 'ka lalo yɔw, 'ka ka yee lɔwa Yai-Laa Heeɓomun mą.

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Lonon mo 28:11

«Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Dutɛrɔnome 16:15

Ɉɛlii tii, ka káá pai bui Yai-Laa ka wɔ Yálái mąąwiɛ mɛ̨nį ɓa a hvóló mɛ̨ihveelɛ, gɛɛnąą tii Yai-Laa ka wɔ Yálá kaa pai ɲeekpiɛ lɛi laa. Mąąhɔlɔɓo, Yai-Laa ka wɔ Yálá ə lúwɔ́ too ka wɔ tíiɠaai ɓa, da ka kɛ mɛ̨nįɠaa kəlee.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.