Mąątɛ̨nɛ̨ 79:3 - Yálá laawoo hɛɓɛ (dc)

³ Daa di ɲąmą kpoloon naa, yɛ Ɉerusalɛmə taa mąątinɛ̨n, di hvo di laali kámą hu.

Yálá laawoo hɛɓɛ

³ Daa di ɲąmą kpoloon naa, yɛ Ɉerusalɛmə taa mąątinɛ̨n, di hvo di laali kámą hu.

Bible

³ Da ínûai ŋãa pú yɛ̂ɛ yá. Díŋãa kpôloŋ lâai Zerusâlɛŋ taa-leei su yɛ̂ɛ ya-lêe. Núu da fé naa é díloo.

Mąątɛ̨nɛ̨ 79:3 ပူးပေါင်းရင်းမြစ်များ

Mąątɛ̨nɛ̨ 141:7

«Bələi lɔ da kɛɛ hin na, diɛ lɔi ɓuwo, bələ lɔ ɓə di ku kɔ́wɠaa taɠa taɠa la, ɲąmuątaa pələ nwun na.»

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Ɉeremi 14:16

Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Ɉeremi 34:20

gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Lomaŋ 8:36

Yɛ bələi Yálá lawoo hɛɓɛ́ ə mo la, yɛ mą: «Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.»

M̀ɛni-lɛɛi 11:9

Huwuɠaa, hįiɠaa, hįi woo ɓo nuą, ɛlɛɛ, da lɔi kəlee, di kaa pai pai, di di ɲɛ̨i tɔɔ di powa ɓa, a hvóló haaɓa da gbulɔ, ɛlɛɛ, di hva di powa loo.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

M̀ɛni-lɛɛi 18:24

Ɛlɛɛ, ə́ pɔɔli ɓə di Yálá kwəi mɛ̨nį hukulɔ nuą ɲąmą kaa laa, da nu mąąhəɠɛɛɠaa, ɛlɛɛ, da nuąi di di kulɔ a haláá lɔi mɛ̨i, di ɲąmą.