Mąątɛ̨nɛ̨ 78:43 - Yálá laawoo hɛɓɛ (dc)

⁴³ Ə mą nwɔ̨nɔ̨ kɛ nwɔ kpalo mɛ̨nįɠaai ə gɛ Eziptə lɔi hu, da kwəi pili mąą mɛ̨nįɠaai ə naa Tanisə yɛɛ kɔwɔ hu nuą diɛ.

Yálá laawoo hɛɓɛ

⁴³ Ə mą nwɔ̨nɔ̨ kɛ nwɔ kpalo mɛ̨nįɠaai ə gɛ Eziptə lɔi hu, da kwəi pili mąą mɛ̨nįɠaai ə naa Tanisə yɛɛ kɔwɔ hu nuą diɛ.

Bible

⁴³ È mɛni kpaya-kpaya-ŋa kɛ̀ da ŋɛi kɛ́-maa sii támaa Zoaŋ tiŋ-tiŋ su Ize lɔii su.

Mąątɛ̨nɛ̨ 78:43 ပူးပေါင်းရင်းမြစ်များ

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Mąątɛ̨nɛ̨ 135:9

Ə kwɛlɛɛn mɛ̨nįɠaa da kpalo mɛ̨nįɠaa kɛ, ə́ wɔ lɔi hu, Eziptə. A Faraɔn da ɲee pɔ nuą.

Mąątɛ̨nɛ̨ 78:12

Ə kpalo mɛ̨nį kɛnɛ̨ kɛ di nąnni ɲɛ̨i ɓa, Eziptə lɔi hu, Tanisə yɛɛ kɔwɔ hu.

Lɛɛ gbɔwɔ ɓa 4:21

Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Lɛɛ gbɔwɔ ɓa 7:3

Ə mą kɛ ti, gáá pai Eziptə tɔɔmun gili walawalai, bələi mąn gáá pai kpalo mɛ̨nį kwɛlɛɛn mɛ̨nį tamąą kɛi la nwɔ lɔi hu.

Gɛlaɠaa 7:7

Kɛlaa, Yálá ə kɛ mą: ‹Nɔi ti di kaa pai kɛi ɉu luwɔlaa hu, gáá pai gití teei, yili pulu, da kulɔ laa di pa ɓɛ diɛ kwɛli hvilɛn mą́ą́ ɓɛ Ɉerusalɛmə.›

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 6:22

Yai-Laa ə kwəi pili mąą mɛ̨nį kpɛa kpɛa da kpalo mɛ̨nį kpɛa kpɛa kɛ ku ɲɛ̨i ɓa; Eziptə lɔi da dɔɔmun nwɔ pɛ́lɛ́i nwun yɛ lɛɛ ɉu.