Mąątɛ̨nɛ̨ 78:4 - Yálá laawoo hɛɓɛ (dc)

⁴ Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Yálá laawoo hɛɓɛ

⁴ Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Bible

⁴ Kúfe pâi ǹoôi kúnîa-pɛlɛɛi dîa. Kwa pâi môi dîa, diaŋ dí m̀ó díwɔ̂ lonii dîa. Kwa pâi Yâwɛɛ ŋɔwála-wala-laai da gɛ́-mɛni kpaya-kpayai maa mɛni ƃôi dîa, da mɛni maa pɔlɔ-pɔlɔ-ŋai a gɛ́i.

Mąątɛ̨nɛ̨ 78:4 ပူးပေါင်းရင်းမြစ်များ

Zôo 15:18

Yii kpɔ mɛ̨nį kɔ́lɔn nuą di hvo now mą́ą́, yii di ɉɔlɔɓo di nąnni pɔlɔ-pɔlɔɠaa yəi,

Mąątɛ̨nɛ̨ 26:7

Gɛ́ ə́ hɛɠɛɛɓo wələ too, gɛ́ ə́ kɛ mɛ̨nį ɲɛ̨i kɛnɛ̨ɛ̨ɠaa hu kulɔ.

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Lɛɛ gbɔwɔ ɓa 12:26

«Ka lonnii da pa kɛi kaa: ‹Ɉɛlii ŋɛ̨i mukulaa ɓaa lə?›

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:8

«Ka kɛi ɉɛlii ti pu, mąąnɛ̨ɛ̨ ka ɉukulɔ ka lonnii diɛ, kaa diɛ: ‹Ku kulɔi ŋɛ̨i Yai-Laa ə mo luwɔlaa hu Eziptə, mąą hɛlii ka ŋɛ̨i ku kaa bui.›

Azaya 38:19

Nui lɔ vulú kɔ́lɔi, yaa tɔ̨nɔ̨ lɔ ɓə a ə́ laa tɛ, yɛ bələi gáá gɛi la haa kəlee. Lon gáá nąn gaa pai ə́ wɔ wɛlikɛmąąlaa hu kulɔi nonnii diɛ.

Zooɛ 1:3

Ka ɉu kulɔ ka lonnii diɛ, ɛlɛɛ, ka lonnii di mo di wɔ lonnii diɛ. Ɛlɛɛ di lonnii di ɉu kulɔ nuąi pai lɛɛi di pulu diɛ.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.