Mąątɛ̨nɛ̨ 77:3 - Yálá laawoo hɛɓɛ (dc)

³ Ɓɛlɔwai mą́ą́ a wɛli lai, Ną́mu Yálá ɓə ŋą́ ɲɛ̨ilaa kwɛli. Gɛ́ ɲéé hąŋąn bɔ pələ, kwiihɛ̨ą, ɛlɛɛ, vįi hva kpɛɛ, gɛ́ lənə gbɛla ɓo woo kəlee ɓa.

Yálá laawoo hɛɓɛ

³ Ɓɛlɔwai mą́ą́ a wɛli lai, Ną́mu Yálá ɓə ŋą́ ɲɛ̨ilaa kwɛli. Gɛ́ ɲéé hąŋąn bɔ pələ, kwiihɛ̨ą, ɛlɛɛ, vįi hva kpɛɛ, gɛ́ lənə gbɛla ɓo woo kəlee ɓa.

Bible

³ Ŋà ŋ́gili ŋá sìa é pîlaŋ Ɣâla ma, ŋa wɔ̂lɔ. Ŋà lòno é pîlaŋ ma, ńii a tôo pôlu.

Mąątɛ̨nɛ̨ 77:3 ပူးပေါင်းရင်းမြစ်များ

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Zôo 15:11

Ə́ tɛɠɛ ɓoɔ mɔ̨ɔ̨ Yálá nwɔ nu liilaa mɛ̨nį hu? A nwooɠaai kələi gaa moi yɛ́i?

Zôo 31:23

A tɛ̨ą, Yálá nwɔ mɔ̨nɔ̨i aa mą́ą́ ɲɔw, Vá pɛli kɛ mɛ̨nį ta kɛi nwɔ kɛnɛ̨ laa lííla.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.

Zôo 7:11

Yili ɓa, və́ pai pɛlii náá pilɛi; nwɔ́ mɔ̨nɔ̨ mįi lɔwai, gáá pai kɛi lɔ nwóó hukulɔi. Gáá lɔ pai kɛi nwóó laai, nwɔ́ mɔ̨nɔ̨ mįi pələ ɓa.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 61:2

Ee kə Yálá! 'Ə́ wəli tɔɔ nwɔ́lɔ woo ɓa, 'ə́ wəli tɔɔ kpɔ a nɛlɛɛ, ə́ hvɛlii gáá moi nwóó ɓa.

Wɛli 3:1

Kpinii, ŋą́ kɛ laani ɲə́i gbinŋą, ŋą́ ɲéé hiɛ gwɛlɛ, və́ nwɛ̨́likɛmąąmun gaa, ŋą́ gwɛli kpɔ və́ gaa.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Ɉeremi 17:17

Hvó ə́ yee wiɛ mɛ̨́i, ə́ hvaŋan mu ɓə ŋį́ mą́ą́kilɛ laa a mɛ̨nį nwąnąą yələ.

Woolaa 3:17

Aa vɛ́ɠɛ yíi nɛ̨ɛ̨ hu, və́ kɛa nwun na nɛ̨ɛ̨ kɔ́lɔn.

Woolaa 3:39

A kɛ tii, nu a kɛ yɛnɛ̨ɛ̨, lə mɛ̨ni kpɔ ɓə nu a pɛli nwoolaai ɉu? Nu kəlee ə nwoolaa gbɔwɔ kɛ hɔn mąą mɛ̨ni ɓa.