Mąątɛ̨nɛ̨ 76:6 - Yálá laawoo hɛɓɛ (dc)

⁶ Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Yálá laawoo hɛɓɛ

⁶ Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Bible

⁶ Óo Zeeka Ŋɔɣâlai, tãi í dímaa yâo lai, dísoo-ŋai da zia-ƃela dí tòo, dí sáa.

Mąątɛ̨nɛ̨ 76:6 ပူးပေါင်းရင်းမြစ်များ

Samia Veerɛi 10:18

Aramə nuą di pu Israɛlə nuą tɔwɔ. Nuąi Davidə ə paa Aramə yəi, nwotolo hu nuą, nu waa mɛ̨ihveelɛ; nuąi kɛ a nɔi ɓa kɔ́ kɔ́ nuą, nu waa pow nąąn. Ə Aramə kɔlaɠa nwun nąmu Sovakə paa.

Tɔɔɓɛlaa veelɛ 19:35

Gbinii tii hu, Yai-Laa nwɔ malaka ta ə pa, ə Asiri nuą nu waa nwun dɔ̨nɔ̨ ɲee mɛ̨ihaaɓa kɔ́w lɔɔli paa di lɔwai. Yələ ɓɔɔ, nuą di di muhəɠə, nu powaɠaa lɔ ɓə kɛ gɔ́ ɓuwuɠaa mu.

Kɔlɔnikɔ Veerɛi 32:21

Yai-Laa ə malaka ta tɔɔ, ə Asiri tɔɔmun wɔ kɔlaɠai hu kɔ́kuláaɠaa kəlee, gɔkuláa ɲɛ̨itɔwɔ nuą kəlee da galanɉonŋąą paa. Asiri tɔɔmun ə bulu pənə ə li bɔ lɔi, ɲɛ̨i paa a nwumɛ̨. Ɓɛlɔwai ə lɔ la ɲəi bɛlɛ́n, gwəi lonnii di baa a kɔ-kɔ ɓɔwa.

Mąątɛ̨nɛ̨ 104:7

Yá tómą di mɛ̨i, da pu, diɛ gilɛ həɠə ə́ wɔ yələgbąnąą tin ma.

Mąątɛ̨nɛ̨ 18:15

Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Mąątɛ̨nɛ̨ 80:16

Ɉihɛn yɛ́ kpinįi ə́ ɉin a ə́ yee, mąąkpɛ, da non ŋɛ̨i ə́ ɉuwalawala ə́ mąą mɛ̨ni ɓa.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Lɛɛ gbɔwɔ ɓa 15:10

Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Lɛɛ gbɔwɔ ɓa 15:21

Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Izikiɛ 39:20

Ka káá pai pilɛi nwɔ haláá kulɔi hooɠaa hu, gilɛ həɠə hooɠaa; gɔ́kulááɠaa kəlee di wɔ hooɠaai hu. Mɛ̨nį kəlee ŋą Hééɓomun Yálá woo li.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Nahumə 3:18

Asiri tɔɔmun, ə́ wɔ ɲɛ̨i tɔwɔ nuąi kaa yii, ə́ wɔ kɔ́kulááɠaai di kaa lɔ kɛɛnąą tɔ̨nɔ̨, ə́ wɔ nuąi taɠa taɠaai ɲeeɠaa nwuɔ̨, nu hvo mą yii ə di lɛɠɛ di kee ɓa.

Zakari 12:4

Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Samuɛlə dɔlɔɔ 26:12

Davidə ə gbala həɠə Saulə nwun na da ɲá pu hɛn, də li. Nu ta hvo di kaa, nu ta hvo gili kɔ́lɔn, ɛlɛɛ, nu ta hvo nwun. Di kəlee di kɛi yíi, Yai-Laa aa kɛ yíi kɛnɛ̨ tɛ di ɲɛ̨i.