Mąątɛ̨nɛ̨ 71:5 - Yálá laawoo hɛɓɛ (dc)

⁵ Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Yálá laawoo hɛɓɛ

⁵ Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Bible

⁵ Óo Ǹuu-namui Yâwɛɛ, yá ƃé ŋ́gili tɔɔ̂i yâ. Ŋà láa a yá é síɣe tãi ma ŋá kɛ̀ la a nyáŋkpai.

Mąątɛ̨nɛ̨ 71:5 ပူးပေါင်းရင်းမြစ်များ

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Kɔlɔnikɔ Veerɛi 34:3

Nwɔ tɔɔlaai gwɛlan mɛ̨ihaaɓa lɔwai, ə ɓo nii a hulɔnon, ə gɔɠɔ tɔɔ yɛ nąn Davidə nwɔ Yálái liiɓa kwɛli. Nwɔ kwɛlan bow kɔ́w hveelɛ lɔwai, ə ɲəə pɛlɛ Ɉuda da Ɉerusalɛmə mąąhəɠə kolo ɓa, yɛ ɉali kɔ́iɠaa, da nwuluɠaai di kɛi gɔ́, ɉaliɠaa mąąnįnįnŋąąi di bɛli a wulu, wala kɛ tii, di bu, ə gəlee kulɔ nɔi.

Mąątɛ̨nɛ̨ 119:166

Ee Yai-Laa! Ɲɛ̨́i kaa ə́ wɔ malo mɛ̨nį tɔwɔ! Ɛlɛɛ, ŋą́ ə́ wɔ tɔnŋaai pɔ mɛ̨nį kɛ.

Mąątɛ̨nɛ̨ 119:81

Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 71:17

Yálá, yɛ́ ɓə gíli too yɛ́, ə həɠə kpɔ ɉúlɔnon ɲələ ɓa, aa lɛɛ ɉu yiihu aa həli la, ə́ kɛ mɛ̨nį ɲɛ̨i kɛnɛ̨ɠaa lɔ ɓə gáá noloɓoi.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 17:17

Hvó ə́ yee wiɛ mɛ̨́i, ə́ hvaŋan mu ɓə ŋį́ mą́ą́kilɛ laa a mɛ̨nį nwąnąą yələ.

Ɉeremi 17:7

Kɛlaa, nui a gilitɔɔ Yai-Laa ɓa, lúwɔ́ kaa mą. Yai-Laa a kɛ a gilitɔɔi.

Ɉeremi 50:7

Nui lɔpee kɛi kwiɛn a diɛ, ə kɛi di mį́i, di yówóɠaa di kɛi kɛ diɛ: «Ku hvo nɛ̨ŋɛ̨n ɉəɠə li, mąąhɔlɔɓo, di nɛ̨ŋɛ̨n ɉəɠə Yai-Laa ɓa, tələnmoi da di nąnni di kilitɔɔi kɛ mą: ya ɓaa kɛ a Yai-Laa»

Lukə 2:40

Nokoloi tii ə kɛi kɛnɛ̨, kili yɛ ɓo mą kpɔ kɛnɛ̨, ɛlɛɛ, ɉu yɛ walawala, Yálá nwɔ mɛ̨inɛ̨ɛ̨ yɛ ɓo mɛ̨i.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.