Mąątɛ̨nɛ̨ 71:20 - Yálá laawoo hɛɓɛ (dc)

²⁰ A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Yálá laawoo hɛɓɛ

²⁰ A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Bible

²⁰ Ya ŋ́gɛ ŋa mɛni kpɔ̂lu támaa ŋɛ́i káa. Kɛ́lɛ ya pâi ŋ́uŋ ma ƃôi, í ŋ́gula saa yêei.

Mąątɛ̨nɛ̨ 71:20 ပူးပေါင်းရင်းမြစ်များ

Samia Veerɛi 12:11

Yai-Laa woo ka: yɛ diɛ: ə́ ɲɛ̨i hee laa, kpaloi pai ɓɛlai yɛ́, a kulɔ ə́ yəi bɛlɛ́n, ŋą́ ə́ nɛ̨ąni həɠə ə́ ɲɛ̨i ɓa, ŋą́ di tɛɛ ə́ hee yɔwɔ pɔ, yɛ laa a ə́ nɛ̨ąni ə́ ɲɛ̨i ɓa hvóló ŋą ɉə-ɉə.

Mąątɛ̨nɛ̨ 119:25

Ɓɛ kaali, ɲą́ą́ ka tooni munuun ɉu, yɛ bələi ə́ mo lai: 'Pənə kani ə́ dóó nwų́nų kɔ́lɔ hu.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Mąątɛ̨nɛ̨ 80:18

Nui ŋɛ̨i ə́ ɓa-mįi-yee hu pələ, ə́ yee pɛlɛ mɛ̨i, da nu lon tii yɛ́ kpinįi ə́ kaa a vaŋąi.

Mąątɛ̨nɛ̨ 85:6

Yɛ́ mɔ̨ɔ̨ ə́ lɛɛ a ə́ líiholiɛ ku pɔ a yələ kəlee mɛ̨nį? Yɛ́ ə́ wɔ líiholii hu kwɛa lɔ a kwɛlan gəlee?

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

Mąątɛ̨nɛ̨ 95:4

Lɔi mu ɓoloonŋaa kaa ɲəi, yee tonnaɠaa di ɓo a bɔɔ.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Zôna 2:6

Ɲá ə tɛ gwą́ną, gboloyá ə nwún mɛ̨i pu. Ɲái tumɔɠaa di kpįnįn nwún ma

Markə 15:34

Nɛɛlɛ Ɉaaɓa na həliɛ kɛa, Jesus ə tómą kpɔ kɛnɛ̨ yɛ mą: «Eloi, Eloi lama sabaktani.» (Yili mukulaa ɓa: «Nwɔ́ Yálá, nwɔ́ Yálá, lə mɛ̨nį ɓa ə́ lənə mą́ą́!»)

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Ifisiɛŋ 4:9

«Ə tɛ yələi!» Yili mukulaa ɓaa: Ə gbɛa yɛɛ kpɔ ə həli lɔi mu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.