Mąątɛ̨nɛ̨ 71:18 - Yálá laawoo hɛɓɛ (dc)

¹⁸ Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Yálá laawoo hɛɓɛ

¹⁸ Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Bible

¹⁸ A nɛ̃ɛ maa kpîŋ ŋá pɔlɔ, ŋ́uŋ é kole, Ɣâla, ífe íyee kùla mu, é lɛ́ɛ la zu ŋá íkɛ-mɛni kpaya-kpayai da íwala-wala-laai maa mɛni ƃó diai dîa díkaa ɣele mai, da kúwɔ̂ lonii kélee pâi pâi.

Mąątɛ̨nɛ̨ 71:18 ပူးပေါင်းရင်းမြစ်များ

Zɛnɛse 27:1

Isaakə ə kɛ kɛa a hulɔgolo, hvo kɛa kɛi kɛɛ kaa. Ə non dɔlɔɔ Esau təli, yɛ mą: «Esau!» Yili yɛ mą: «Ɲą́ą́ ga.»

Mąątɛ̨nɛ̨ 22:31

Di huwu kaa pai tíi Yai-Laa ɓa, di kaa pai mąą mɛ̨nį hu kulɔi, nu huwui tii ɓa.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Mąątɛ̨nɛ̨ 71:9

Ɓɛlɔwai ŋɛ̨i ŋą́ą́ pɔlɔ la, 'hvó lənə mą́ą́; ɓɛlɔwai váŋą́ kaa kpɛɛi la, 'hvó ə́ kili kulɔ ɉú.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Mąątɛ̨nɛ̨ 78:6

Nuąi pai lɛɛi di pulu, a lonŋaai di kaa pa gaai, di kaa pai di muhəɠə kɛa diɛ kpɛli diɛ yili lɛ di wɔ lonnii diɛ.

Lɛɛ gbɔwɔ ɓa 13:8

«Ka kɛi ɉɛlii ti pu, mąąnɛ̨ɛ̨ ka ɉukulɔ ka lonnii diɛ, kaa diɛ: ‹Ku kulɔi ŋɛ̨i Yai-Laa ə mo luwɔlaa hu Eziptə, mąą hɛlii ka ŋɛ̨i ku kaa bui.›

Azaya 46:4

ə lɛɛ la ɉu ka pɔlɔ, gɛ́ pələ laa lɔ ɓaa a gɛ́ pələ, ə lɛɛ ɉu ka nwun ə pɔwa, ɲą́ą́ ɓə pai ɲɛ̨́i kɛi kaa, ŋą́ą́ ɓə ta gɛ tii, gáá lɔ nwɔ̨nɔ̨ pai gɛi, gáá pai ɲéé pui ka mu, ŋį́ ka ɓalo.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Samuɛlə dɔlɔɔ 4:15

Eli kaa kwɛlan ə kɛ a kwɛlan bow mɛ̨inąąn kɔ́w mɛ̨ihaaɓa, ɲɛ̨i kwəleen ɉeɛ lɔ kɛ, hvo kɛi kɛɛ mąąkpɛɛ.

Samuɛlə dɔlɔɔ 4:18

Ɉulɔnui tii ə Yálá nwɔ kəhii mąą mɛ̨nį ɓo lɔ-o, Eli ə kulɔ gbəlin ɉu ə too gbowo ɓa pələ, ə gbowo wolo, ə haa. Mąąhɔlɔɓo, bɔlɔɔi kɛ, ɛlɛɛ, nwiaa. Eli ə Israɛlə lɔi ɲąąwooɓo kwɛlan bow nąąn ɲee mu.