Mąątɛ̨nɛ̨ 71:13 - Yálá laawoo hɛɓɛ (dc)

¹³ Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Yálá laawoo hɛɓɛ

¹³ Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Bible

¹³ Ŋ́gbɔara-ƃelai yée mɛi ɣále, í dísu-kara. Diai kɔ̂i ḿbɔi, ƃâa kula dîa, í dí ŋumɛ.

Mąątɛ̨nɛ̨ 71:13 ပူးပေါင်းရင်းမြစ်များ

Mąątɛ̨nɛ̨ 109:29

Ɓáá ə kulɔ gálámąɓo nuą diɛ, nwumɛ̨ ə di hon, ə kpɛlaan a diɛ di nąą kəlee, yɛ biliɉu.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 35:4

Nuąi di hvilɛnŋąąi nwɔ́ yɛnɛ̨ɛ̨ pulu, nwumɛ̨ ə di ɲɛ̨i paa, di ɓɛlɛ ə too! Nuąi di kiliŋąhiɛi mą́ą́ a ɲɔ̨nwɔ̨ɔ̨, ɓáá ə kulɔ diɛ! Di li di pulu pələ a nwumɛ̨.

Mąątɛ̨nɛ̨ 6:10

Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu.

Mąątɛ̨nɛ̨ 70:3

Nuąi báá pələ kwɛlii, nwumɛ̨ ə di ɲɛ̨i paa; nuąi di kaa bɔ mą́ą́ ə wɛli, də li a di pulu pələ, a ɓɛlɛkpɛɛmąą kɛnɛ̨.

Mąątɛ̨nɛ̨ 71:24

Ə́ mąątɛnɛ̨ woo hva tee ná a yələ lɔpee ta, mąąhɔlɔɓoi, nuąi kɛ bɔ ɲąąnwąnąą ə laa mą́ą́, di wɛi a lɛɛ a nwumɛ̨ da ɓáá kulɔ mąą.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»