Mąątɛ̨nɛ̨ 71:11 - Yálá laawoo hɛɓɛ (dc)

¹¹ Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Yálá laawoo hɛɓɛ

¹¹ Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Bible

¹¹ Da m̀o dîyɛɛi, “Ɣâla a kula bôlu. Kwaa gbɛ́ kú zoŋ. Núu da fé naa é gula kúyêei.”

Mąątɛ̨nɛ̨ 71:11 ပူးပေါင်းရင်းမြစ်များ

Mąątɛ̨nɛ̨ 3:2

Ee kə! Yai-Laa! Mɔ̨nɔ̨ɓo nuą tamąą ɓə-ee! Nuąi daa di muhəɠə bɔ́ a kɔ́, di kpulu kɛnɛ̨ ɓə-ee!

Mąątɛ̨nɛ̨ 37:25

Ə həɠə ɉúlɔnon ɲələ ɓa, ə həli la bɔ́lɔ́i lɔwai ŋɛ̨i ɓa, və́ ta tələnmomun gaa li, yii nu hvo mą, və́ ta gwəilonnii kaa li, diɛ kɔ̨nɔ̨n vɛli.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 42:10

Gɛ́ ŋą́ kɛ Yálá ɓa: Mą́ą́kɔ̨nwɔ̨ Kwɛni ɓaa a Yɛ́. «Lə ɓə kɛ yaan, yáá lɛ̨ą mą́ą́? Gɛ́ li a ɲɛ̨́imąąwɛliɛ, ɲówóɠaa diɛ hee ɉú?»

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 7:2

Yai-Laa, nwɔ́ Yálá, yɛ́ ɓə ŋą́ mą́ą́kilɛ ə́ hvaŋąn mu, nuąi kpɔ di hvilɛnŋąą búlu a kɔ́, 'málo, 'gulɔ di yəi!

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Maafîu 27:46

Voló kɔ́wɔ kulaa mu kɛa, Jesus ə tómą kpɔ a nwoo kɛnɛ̨, yɛ mą: «Eli, Eli, lema sabaktani?» (Mukulaa ɓaa: «Nwɔ́ɔ́ Yálá, nwɔ́ɔ́ Yálá, lə mɛ̨nį ɓa ə́ ə́ kili kulɔ ɉú?»)

Maafîu 27:49

Kɛlaa, nu taɠaa di kɛi kɛ diɛ: «Ka tɔɔ. Gu gu ɲɛ̨i hee mą akɛ Eli kaa pai nwun gulɔi ɉu.»

Samuɛlə dɔlɔɔ 23:7

Nuą di mo Saulə ɓa, diɛ mą: «Davidə aa li Keila daai.» Saulə ə mo yɛ diɛ: «Yálá aa nɔ ɲéé ŋą, mąąhɔlɔɓo, aa lɔ Keila, ɓɛi naa laa kpulɔɔ.»