Mąątɛ̨nɛ̨ 68:27 - Yálá laawoo hɛɓɛ (dc)

²⁷ 'Ka Yálá mąąwiɛ ɲąąkpɔnŋaa hu, 'ka Yai-Laa mąąwiɛ yai a Israɛlə nwun dɔɔi.

Yálá laawoo hɛɓɛ

²⁷ 'Ka Yálá mąąwiɛ ɲąąkpɔnŋaa hu, 'ka Yai-Laa mąąwiɛ yai a Israɛlə nwun dɔɔi.

Bible

²⁷ Bɛŋsima nyii gáa a Eezuɛ nuu-suui guro-tei, é kɛ́ a maa-ŋuŋ. Zuda-ƃelai da dínûa laa túɛ-ƃelai díkɛ̀ dípôlu pere. Zɛbulɔŋ da Nɛfɛtɛli dísuui su-ƃelai láa túɛ-ƃelai ƃé lɛ̀ɛ ǹaa pôlu.

Mąątɛ̨nɛ̨ 68:27 ပူးပေါင်းရင်းမြစ်များ

Zɛnɛse 42:32

Kuɔ mą, ku kɛ a hinąą pow kɔ́w hveelɛ, ku nąn gaa tanɔ̨n. Kɛlaa ku ləɠə tɔ̨nɔ̨ hvo kɛa laa, yili nwɔ ləɠəi ɓə lɛɛ Kanaan lɔi hu, ku nąn gwɛlɛ.›

Samia Veerɛi 3:19

Avnɛrə ə mɛ̨nįi tii bələ too Bɛnɉamɛn nu huwu wəlii. Yili pulu, Avnɛrə ə li Hebrɔn daa, mɛ̨nįiɠaa kpɔ Israɛlə da Bɛnɉamɛn nwɔ pɛlɛ́i mu nuą di hvaa mą a di kwəinɛ̨ɛ̨, ə gəlee hukulɔ Davidə ɓa.

Kɔlɔnikɔ Maa-ŋuŋ 12:16

Diɛi tii ɓə Ɉurdɛn yá teen a ɲąnįn dɔlɔɔ, ɓɛlɔwai ɲa hvɛɛi kɛ la, diɛ lɔ ɓə nwɔnɔ̨ too ɲa-ɓoloon bɔ nuą hu, di di kpɛ, voló həɠəi pələ da dooi pələ.

Kɔlɔnikɔ Maa-ŋuŋ 12:29

ə pɛlɛ la, Sadɔkə ɓa, yai kɛ a kuláa laŋąlon, nuąi lɛɛ bɔ, di kɛ a nu pow hveelɛ kɔ́w hveelɛ a nwɔ pɛlɛ́ nwun nąmįną.

Kɔlɔnikɔ Maa-ŋuŋ 15:3

Davidə ə Israɛlə nuę kəlee ɲąąkpɔn Ɉerusalɛmə daai, ə gɛ di Yai-Laa nwɔ mįnɛ̨ kəhi həɠə di paa la ɓɛi di bɛli mąą mɛ̨nį ɓa.

Kɔlɔnikɔ Maa-ŋuŋ 27:12

Nu kpulu mɛ̨inąąnnąą, ɲąnįn mɛ̨inąąnąą ɲee mu, ə kɛ a: Aviɛzɛrə Anatotə mun, yɛ ɓo a Bɛnɉamɛn lon da, nu waa pow hveelɛ gɔw nąąn ɓə kɛ ɲəi.

Mąątɛ̨nɛ̨ 26:12

Gɔ́wɔ kaa pələ hąŋąą mɛ̨i, Yai-Laa, gáá pai kɛi ə́ laa tɛi ɲąąkpɔnŋaa hu.

Mąątɛ̨nɛ̨ 47:9

Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Mąątɛ̨nɛ̨ 60:7

'Hvaa ku woo mu, ə́ wɔ yee wala-walalaa ə ku ɓalo, ə́ wɛlikɛmąą nuą di kulɔ mɛ̨nįi.

Azaya 11:13

Ɛfraimə nwɔ toloi kɔ́lɔ a haa mą, Ɛfraimə hva kɛa tolo kulɔ a Ɉuda, Ɉuda ɲowo mɛ̨nį hva kɛa ɓo, Ɉuda hva kɛa yowolaa hee Ɛfraimə ɓa.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Lonon mo 34:21

Bɛnɉamɛn huwu hu, Kislɔn lon Elidadə.

Nwun mąąɓo 20:35

Mąą yələi tii, Yai-Laa ə gɔ́ nɛ̨ɛ̨ Israɛlə nuą diɛ, Bɛnɉamɛn nu huwu mɛ̨i, di kɔ́kuláá waa pow hveelɛ kɔ́w lɔɔli pulu nwun dɔ̨nɔ̨ paa Bɛnɉamɛn nu huwu lɔwai.

Nwun mąąɓo 5:18

«Zabulɔn nu huwu di wɛi, ə mą kɛ Nɛftali nu huwu, di hvaa mą, di kɔ́ pɛlɛ haa ɓa.

Samuɛlə dɔlɔɔ 9:21

Saulə yɛ mą: «Gbului golɔɔ Israɛlə nuą lɔwai, yaai ɓaa Bɛnɉamɛn yəi bɛlɛn, nąą mun ɓaa a ɲą́ą́. Ku huwu kaa Bɛnɉamɛn nu huwu lɔwai a pɛlɛ́ logolo; yá pɛli mɛ̨nį taaləi ŋɛ̨i ɓo pələ kɛi ləi náá mɛ̨i?»