Mąątɛ̨nɛ̨ 65:4 - Yálá laawoo hɛɓɛ (dc)

⁴ Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Yálá laawoo hɛɓɛ

⁴ Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Bible

⁴ Lûwa káa ǹúui ma í zìɣe zu í nɛɣɛ a yâi, a gɛɛ é kɛ́ ípɛrɛi mui. Kúlii a pâi lâai zãai mɛni ma ya dɛ̀ɛ kúpɔ ípɛrɛi mui, nyíi gáa a Ípɛrɛ Maa Waai.

Mąątɛ̨nɛ̨ 65:4 ပူးပေါင်းရင်းမြစ်များ

Kɔlɔnikɔ Veerɛi 6:39

Lɛɛ yələ kɔ́lɔn ɉu, ɓɛi tii Ə́ kaa laa, Ə́ wəli tɔɔ di woo ɓa; Ə́ wəli tɔɔ di wɔ hvɛli wooi da di wɔ nɛ̨ɛ̨mąąhvə wooi ɓa; 'di nwąną kulɔ, ɛlɛɛ, yɛ́ nu huwui a nɛ̨ŋɛ̨n ɉəɠə Yɛ́, Ə́ di mąąhvaalɛɛ.

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 15:1

Davidə nwɔ Yálá mąątɛ̨nɛ̨ wələ. Yai-Laa! Gbɛɛ ɓə pai lɔi ə́ yəi bɛlɛ́n? Gbɛɛ ɓə pai heei Ə́ wɔ yee mąąhəɠɛɛi nwuɔ̨?

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Mąątɛ̨nɛ̨ 23:6

A tɛ̨ą, nwun na nɛ̨ɛ̨ da wɛlikɛmąąlaa di hvilɛnŋąąi bɔ́, nwɔ́ yɛnɛ̨ɛ̨ kəlee yee mu, ŋą́ lɔ Yai-Laa yəi bɛlɛ́n, ŋą́ hee laa nwɔ́ yɛnɛ̨ɛ̨ kəlee yee mu.

Mąątɛ̨nɛ̨ 24:7

Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Mąątɛ̨nɛ̨ 38:5

Mąąhɔlɔɓo, ɉɔ́n aa kɛnɛ̨ aa tɛɛ gbínį ɓa, nwiɛ yee aa tɛɛ mą́ą́.

Mąątɛ̨nɛ̨ 4:3

Káái a nu-kanŋąą, ka kili ɲą kaa pai lɛɛi a bɛlɛɛ, káá mɛlɛtoo, ə lɛɛ ɉu, mįnɛ̨ lɔwai ə həli? Kaa kpɛli-kpɛli mɛ̨nįɠaa wɛlilakɛ lɔ, ka hvilɛnŋąą lɔ lɛɛ kɛɛ pulu!

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Mąątɛ̨nɛ̨ 84:4

Yai-Laa Mɛ̨nį Kəlee ŋą Hééɓomun, nwɔ́ Tɔɔmun, da nwɔ́ Yálá, ə mą kɛ liɛnŋaa ɓə, da di taa tɔɔi hɔlɔɓo, hvoloonŋąą diɛ di lonnii pui hɔlɔɓo, ə́ wɔ haláá kulɔi kwɛlɛ.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.