Mąątɛ̨nɛ̨ 62:9 - Yálá laawoo hɛɓɛ (dc)

⁹ 'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Yálá laawoo hɛɓɛ

⁹ 'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Bible

⁹ Núu-kpune káa nɔ́ a fãa lâɣi. Sɛŋ da kélee fé da kponôi, gɛ́tɛ, kpaa máŋ guro-te. Ya díkɔ̀ɔŋ, díwuyɛ fé a sɛŋ da. Dífoɣâŋɔɔi nɔ́ yɛ̂ɛ fãa-laɣi.

Mąątɛ̨nɛ̨ 62:9 ပူးပေါင်းရင်းမြစ်များ

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Samia Veerɛi 15:6

Bələ ɓə Absalɔn ə kɛi gɛ la a Israɛlə nuąi kpɔ kɛi pa tɔɔmun bɔ di mąą mɛ̨nį ɓo mɛ̨nį ɓa gəlee. Bələ ɓə Absalɔn ə Israɛlə nuą kəlee di wɔ kiliŋąhiɛ tinɛ̨n na bɔ pələ.

Tɔɔɓɛlaa veelɛ 19:14

Nuą ŋɛ̨i pa ɉɛɓɛ́, Ezekiasə ə ɉon di yəi, ə mo, ə lɛɛ, ə li la Yai-Laa yəi bɛlɛ́n. Ezekiasə ə ɉɛɓɛ́ hu hvólóon Yai-Laa lííla.

Mąątɛ̨nɛ̨ 116:11

Ɉú pu pələ mą́ą́, ŋį́ kɛi kɛ diɛ: «Nu kəlee kaa a lɛɛ nuą.»

Mąątɛ̨nɛ̨ 118:9

Nu ya ə́ lɛɛbɔ kɛ Yai-Laa ɓa, yili hviɛlaɓoɔi, ə tɛɛ nu lɛɛ ɲəi kɛɛ tɔɔɓɛlaa diɛ, ɓa.

Mąątɛ̨nɛ̨ 142:3

Gáá nwóólaai níila, gɛ́ gbáán mɛ̨nį hukulɔ mą.

Mąątɛ̨nɛ̨ 39:11

Yɛ́ hvaɠai ɲɛ̨i həɠə mą́ą́, ə́ yee pɛlɛi ə́ mo mą́ą́, ŋą́ą́ too.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Mąątɛ̨nɛ̨ 46:2

Yálá kaa a ku mąąkilɛi wala wala, a kpɔn nu ɓa a yələ kəlee liihɛlɛn ɉu.

Mąątɛ̨nɛ̨ 71:7

Ŋą́ kɛ nu tamąą ɲɛ̨i ɓa a kwəi pilimąą hɛn, yaan, yɛ́ ɓə kɛ a mą́ą́kilɛi leelee.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Azaya 40:15

Lɔiɠaa kaa lɔ yɛ yai a ɓɔ kɔ́wɔ wolo ɓa, yɛ hvilɛn tən tən; di kaa yɛ munuun gbala, a gboloyá hɛ̨ąi lɔiɠaa kpəŋə ɲee ŋą, yɛ bili yələi, yɛ munuun.

Azaya 40:17

Lɔi kəlee kaa ɲɛ̨i mu a kpɛli-kpɛli, gaa lɔ yɛ da wala kɛ yɛnɛ̨ɛ̨.

Danîa 5:27

‹Tekɛli› mukulaa ɓaa: Daa ə́ wiɛ yee kɔ́ɔn, gɔwɔn gwɛli ŋą, yaa lɛɛ huwahuwa.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.

Samuɛlə dɔlɔɔ 18:7

Nwələi mąną kaa nɛ̨ąą di kɛi doo ya ka: «Saulə a waa tamąą paa ɲowoɠaa lɔwai; Davidə aa waa pow tamąą paa.»

Samuɛlə dɔlɔɔ 23:12

Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»