Mąątɛ̨nɛ̨ 62:4 - Yálá laawoo hɛɓɛ (dc)

⁴ Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Yálá laawoo hɛɓɛ

⁴ Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Bible

⁴ Ka ŋ̀wɛ̂lii nɔ́ ka ǹúui kpîŋ soŋ ká ƃaa kûla maa sɛ́lɛŋ ma. Ká wɛ́lini a lɛ́ɛ mɛni-ŋa. Ka lûwa làa ǹúui kpîŋ ma, kákɛ ǹaɣaŋ kálii su.

Mąątɛ̨nɛ̨ 62:4 ပူးပေါင်းရင်းမြစ်များ

Mąątɛ̨nɛ̨ 119:163

Lɛɛ mɛ̨nį wɛli kpɛɛi mą́ą́, mɛlɛ hvo gwə́i, ə́ wɔ tíɓoi ɓə nwɛli kaa mą́ą́.

Mąątɛ̨nɛ̨ 28:3

Hvó ɉón yɛ bələi yá liiɲɔ̨n gwəi nuą hon nai, ə mą kɛ, túwɔ́ pələ ɲɔ̨n gulɔ nuą, da kɛ liilaa mɛ̨nį ɓoi di ɓɛlaa diɛ, Kɛlaa, di lii laa hvɛɛ a mɛ̨nį ɲɔ̨n gɛ kili.

Mąątɛ̨nɛ̨ 5:9

Yai-Laa, 'dɛ̨́nɛ̨n dɔɔ a yɛ́ tələnmolaai; bələi mąn mą́ą́hɛnɉi nuą tamąą la, Ə́ nwɔ pələi hąŋąn ɲɛ̨́i tɔwɔ.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Mąątɛ̨nɛ̨ 52:3

Lə mɛ̨nį ɓa yai ə́ kaa ə́ kpɔwɔ ɲąą kɛnɛ̨i mɛ̨nį ɲɔ̨n ɉu? Yálá a kulɔ nwoo ɓa a yələ kəlee.

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Hanwon 13:5

Lɛɛmun nwɛli hvo tələnmomun ma. Kɛlaa, nwąnąlɔmun a nu laa kala, yɛ mɛlɛkpɛɛ mą.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Osia 7:3

Di túwɔ́ pələ ɲɔ̨nwɔ̨ pələ, di kaa tɔɔmun ɲɛ̨i lɛɛ pə́lə ɓa, da nɔi ɲąąwooɓo nuą, mąąhɔlɔɓo daa di woo kala.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Maafîu 22:15

Farisiɛ̨ɠaa dɛ li di di nwun dɔɔ a pələi kpɔ da tɛɛ la di Jesus hon vaa woo hu.

Maafîu 22:23

Voló tɔ̨nɔ̨i tii hu lɔ, nuą yiiɠaai da kɛ diɛ Sadusiɛ̨ɠaa, diɛ di hvo kɛ laa li haaɓɛlaa muhəɠə mɛ̨nį la, di pa di Jesus mąąlən gɛ, diɛ mą:

Maafîu 27:1

Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Lukə 20:20

Di kɛi Jesus mąą hɛŋi, nuą tii kɛi di kpɔɔ kaa yɛ nu mąą nwumɛ̨ɛ̨ɠaa, di nuą tɔɔ Jesus hon mɛ̨nį ɓa vaa woo hu, a mąąni kɛ ta, əgɛ di dɛŋɛn gwɛlɛ nɔi nąmįną da ɲąąwooɓo kɛ nuą?.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!