Mąątɛ̨nɛ̨ 62:12 - Yálá laawoo hɛɓɛ (dc)

¹² Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Yálá laawoo hɛɓɛ

¹² Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Bible

¹² ǹyaŋ ŋɔwɛli kɛ́-maai káa a wɔ́lɔ-wɔlɔ wɛli kɛ-maa. Yá, óo Ǹuu-namui, ya nûa féla fè yɛ̂ɛ berei dítûa-pere káa lai.

Mąątɛ̨nɛ̨ 62:12 ပူးပေါင်းရင်းမြစ်များ

Kɔlɔnikɔ Maa-ŋuŋ 29:12

Hɛngɔw da mąąwiɛ da həɠə Ə́ pɔ, Ə́ ɓo heeni hɛn gəlee mɛ̨i. Heeɓolaa da huwalawalalaa, di kaa Ə́ yəi ŋą, mąąlaa kaa Ə́ yəi, Yɛ́ hɛn gəlee muhəɠə, Yɛ́ di huwalawala.

Zôo 33:14

Ya pa, Yálá a hvaa a pələ ta, a wala kɛ ti a da kpɛli, kɛlaa, nu hva gbaɠala kaa.

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Hanwon 24:12

Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 33:20

Ya ɓə ka kɛ kɛi diɛ; Yai-Laa nwɔ pələi hvo haŋą li; gáá pai ka kiti teei yɛ bələi ka tɛi tɛi ka túwɔ la, kaai a Israɛlə nwɔ pɛlɛ́i mu nuą.»

Izikiɛ 7:27

Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Lomaŋ 2:6

yai pai nu kəlee hvɛla kulɔi yɛ bələi ə túwɔ́ la.

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Ifisiɛŋ 6:8

Gbaɠala kaa ti káá, káá; mɛ̨nį lɛlɛɛi nu tɛitɛi kaa pai gɛi, gaa pai kwiɛn ɉii la gu Nąmu kwɛlɛ, ə́ kɛ a luwɔ-o, ə́ kɛ a lii gbɔwɔ ɓamun.

Kolosə 3:25

Kɛlaa, nu a túwɔ́ a ɲɔ̨nwɔ̨ɔ̨, a vɛla hɔlɔɓo yɛ bələi ə túwɔ́ la, mąąhɔlɔɓo, hu yɛɠɛɓo hvo ɉu.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.